Kulawa 21:15-20

¹⁵“Yomtowa mhaza wa heye ama mayake imgana yakopoligwe.

¹⁶“Yomibata munhu kwa lupichi leka yamguze ama kumdita mpogozi imgana yakopoligwe.

¹⁷“Yompanjila mhaza wa heye ama mayake imgana yakopoligwe.

¹⁸“Wanhu weli howochilewa, hamba yumwe yomtowa miyage iganga ama ngumi ne kumkopola, ila kamng'wanyula hela na kumdita yogule na kuwasa mchinanda,

¹⁹wone ayo yatowigwe yowa goya na kujeza kujenda kwa ng'hweku, ayo yamng'wenyule kolechelwa. Ila, komha chasi kwa mhela woyajilize mchinanda na yamuguze mbaka yawe goya ng'hatu.

²⁰“Munhu yomtowa mpogozi wa heye mlume ama mdala kwa ng'obwa na kumkopola, imgana yagazigwe.