Nimariu 21:15-20

¹⁵“E rei a viri i toni ni rabalaki e tamana e kinana, ni gi rabalaki.

¹⁶“A bakovi i panahoa tara viri ge ia a vorakato vona o ge habia ni gi kona, na tahuna ni matavisi, ni gi rabalaki.

¹⁷“E rei a viri i harogi e tamana o e kinana, ni gi rabalaki.

¹⁸“A bakovi i ala rua ru vatahate, lakea a viri tara i padia na kedo o ubia a turana, i uka ma i mate, i mahita kunana na kiri,

¹⁹muri i bole a kodo i laho, ra bakovi i ubia i uka rarenga. Pali ge koli a moni vona ge vatovotovo turana a maka parava, i uka ma i leho vona, ge matakaria ge tavaga.

²⁰“A bakovi i ubi a vorakato bakovi o a vorakato ngatavine na lebo i mate liu na parava iea, a bakovi i ubia ni gi vakamadihi.