Ɛgezɔde 21:15-20

¹⁵Zɔi nɔpɛ a kɛɛɠɛ loɠa, ɓaa dee, ta naama nui ʋaa.

¹⁶Zɔi nɔpɛ a nuɓusɛ unma, é pɔdi, ɓaa é makɛ ya, ta naama nui ʋaa.

¹⁷Zɔi nɔpɛ é kɛɛɠɛ ɓaa dee ɠotozu, ta naama nui ʋaa.

¹⁸Siɛgi zu nua ti ɓɔɛzu la, gila ge seiɲɔɠɔi zɔɔ ga kɔtui, ɓaa é doɠa ga zeeɓuin, ni é la ɠɛɛni ga saa vaa, kɛlɛ naa ma ge la ga seeɓɛi,

¹⁹ni toɠa zoo é ná-tukpɔi zeɠe, é ziɛziɛ eteaʋɛ, zɔi é doɠai wogai, faa la mɔ ɠɛa naa ʋa, kɛlɛ ná-botii koloɠologai ma, toɠa naa zala, é lati, é naa zale, eyɛsu é ɠɛdɛ.

²⁰Siɛgi zu zunui ta ná-duɔi loɠazu la ga tukpɔi, zunu ɓaa anzanu, eyɛsu duɔi za zea, ta potokula ma.