Exodus 21:15-20

¹⁵“Is minsan hentei he ebuǥel etawa ebpalì te amey zin etawa iney zin, kinahanglan he edhimetayan.

¹⁶“Is minsan hentei keniyu he egebpà te sengeeetew su ibelegyè din, ne minsan wazè din pa haazà ikevelegyà dutun te kegkezekepi kandin, kinahanglan he edhimetayen sikandin.

¹⁷“Is minsan hentei keniyu he edrawak te amey zin etawa iney zin, kinahanglan he edhimetayan.

¹⁸“Emun duen ebpetebekà, ne is sevaha egkepelian etawa egkeruuǥan pinaaǥi te vatu etawa pinaaǥi te sumbag, iyan, kenà sikandin ebpatey, kekenà, kenè dà sikandin ebpekehimu he edterebahu seled te egkepipira he andew.

¹⁹Ne emun ebpekeenew en wey ebpekehipanew en minsan pa ke edtutuked dà, ne iyan dà silut duen te etew he nekevaal zuen is: ebpeveyazan kandin is menge timpu te kegkeetresadu zutun te sevaha, ne etimana zin taman te egkepurung haazà egkeulii.

²⁰“Emun duen ebpukpuk te uripen din he maama etawa vahi ne edsilutan sikandin emun ibpatey zutun te uripen haazà.