A Niirop 21:15-20

¹⁵Ma nina i kita tamana ma nana na virua muka.

¹⁶Ma nina i long ta tikai, ma i ivure, ba ona i ki ka pirana, nam na virua muka.

¹⁷Ma nina i tata kakaina ure tamana ba nana na virua muka.

¹⁸Ma ona ra tarai dia varngangar, ma tikai i tupar ta ra tikai ma ra vat, ba i tibul ia ma ra limana, ma pa i mat tana, i vava ka,

¹⁹ona i tut mulai, ma i vanavana ma ra buka, io, nina i ga ub ia na langalanga; ia kaka na porong ia ure kana kini vakuku ma na maravut ia upi na lagar bulu mulai.

²⁰Ma ba ta tikai i kita kana tultul a tutana ba kana tultul a vavina ma ra davai, ma i mat lulut, da kure bali ia.