Sandane 23:19-33

¹⁹I tan n ma diina, i tuli mati, i findi fekolonna ra, i yi i bɔɲɛn lu kira faɲin xɔn.

²⁰I nama lu dɔlɔ minne yɛ, e nun naxanye suben donma, e a radangu ayi.

²¹Amasɔtɔ fudimane nun dɔlɔ minne yiigelima nɛn, e tunnaxɔlɔn yi marabɛnna ti e ma.

²²I tuli mati i baba ra, a tan naxan i sɔtɔxi. I nama yo i nga ma a foriyani.

²³Ɲɔndin nun fe kolonna nun xurun nun xaxilimayaan fen, i nama ne masara sese ra.

²⁴Tinxin muxun baba ɲaxanma nɛn, dii fekolonna sɔtɔ muxun luma nɛn sɛwani.

²⁵Ala xa sɛwan fi i baba nun i nga ma, i bari muxun yi ɲaxan!

²⁶N ma diina, i xaxili ti n na, i yɛɛn ti n ma misaala ra.

²⁷Amasɔtɔ ɲaxalan yalunden muxun nabirama nɛn alo yili tilinxina, muxu gbɛtɛna ɲaxanla magaxu alo xɔɲin naxurina.

²⁸A dɔxɔma nɛn muxune yɛɛ ra alo mafu tiina. A xɛmɛ wuyaxi findi yanfantenne ra.

²⁹Tɔrɔna nde xa? Nimisana nde xa? Matandine nde fɔxɔ ra? Mawugane nde xɔn? Maxɔlɔde fufafune nde ma? Nde yɛɛ gbeelixi?

³⁰Dɔlɔ minne nan na kiini, naxanye sa dɔlɔ faɲine fenma, e xa e mato.

³¹I nama i yɛɛn ti dɔlɔ to faɲi gbeela ra, a yiyalanxi igelengenna kui waxatin naxan yi godo xinla ma muxun kɔɛ ra ki faɲi.

³²Bayo na xanbi ra, a xɔlɔma i ra nɛn alo saɲin na muxun xin a i gan alo koson xin dɛna.

³³I fe magaxuxine toma nɛn i yi lu fala yifuxine tiyɛ.