Sandane 19:12-28

¹²Mangana xɔlɔn luxi nɛn alo yatan wurundun xuina, a hinanna fan luxi nɛn alo xiila sɛxɛn ma.

¹³Gbalon nan dii xaxilitaren na a baba yii. Ɲaxanla a yɛngɛ xunxurine luxi nɛn alo igen na lu dindinɲɛ banxini.

¹⁴Banxin nun hɛrisigɛn fataxi muxun fafe kɛɛn nan na, koni Alatala nan ɲaxalan xaxilimaan soma a yii.

¹⁵Narin xixɔnla nan biran muxun na, koni kamɛn muxu narixin suxuma nɛn.

¹⁶Naxan na sariyan suxu, na a niin nan nakantanma, koni naxan na sigan ti a ɲaxin na, na faxama nɛn.

¹⁷Naxan na hinan sɛnbɛtaren na, na Alatala nan dolima, a saranna soma a yii nɛn.

¹⁸I ya diin xuru, bayo i yigin na nan na. I nama tin a xa faxa.

¹⁹Bɔɲɛ gbee kanna lan a yanginna fi. I na a xunba, i bata a rawɛkilɛ kalan ma.

²⁰I tuli mati kawandi xuine ra, i xurun sɔtɔ, alogo i xa findi fekolonna ra.

²¹Miriya wuyaxi nan muxun bɔɲɛni, koni Alatala a fe ragidixin nan nakamalima.

²²Muxun waxi hinanna nan xɔn, anu, yiigelitɔɔn fisa wule falan xa.

²³Alatala yɛɛragaxun siimayaan nan fima. Na ma, muxun lugoxin yi a sa, a mi tɔrɔ.

²⁴Muxu narixina a yiin sinma donse goronna kui nɛn, koni a tagan a rasoɛ a dɛ.

²⁵I na magele tiin bɔnbɔ, fe kolontaren xaxili sɔtɔma nɛn. I na xaxilimaan maxadi, a kolonna sɔtɔma nɛn.

²⁶Naxan a baba rayarabima, a yi a nga kedi, na kanna fama yagin nun yarabin nan na.

²⁷N ma diina, i na tondi i xuru falane ramɛ, i yɛtɛ masigama kolonna falane nan na.

²⁸Wule seren gelema kiti kɛndɛn ma nɛn, tinxintareya falan nan muxu ɲaxin dɛ.