Luka 20:14-28

¹⁴A e manuša save čerde buči ki drakh kana dikhlje lese čhave, dije gođi ane peste vačarindoj: 'Kava si leso čhavo. Aven te mudara le te ačhol gova amenđe so si leso!'

¹⁵Thaj ikalde le avral tare drakha thaj mudarde le. So den gođi so ka čerol o manuš so si lesi drak kale manušenđe kana ka šunol so čerde?

¹⁶Ka avol thaj sa ka mudarol e bučarnen, thaj i drakh ka iznajmil averenđe.” A kala save šunde e Isuse vačarde: “Ma te dol o Dol gova te avol!”

¹⁷A o Isus dikhlja ane lende thaj vačarda: “A so ačhol ano Sveto Lil: 'O bar so čhudije e manuša save vazden e duvara čerdilo em glavno bar taro ugao?'

¹⁸Savo perol pe gova bar, o bar ka phađol le ke kotora, a ako perol gova bar pe nekaste ka mudarol le.”

¹⁹Thaj dikhlje e šerutne e sveštenikurenđe thaj e učitelja tare Mojsijaso zakono ane gova časo te vazden po va pe leste, al darajle tare but manuša, golese kaj haljarde kaj kaja paramič vačardi lenđe.

²⁰E učitelja tare Mojsijaso zakono thaj e šerutne sveštenikura dikhlje po Isus thaj bičhalde ke leste špijunuren save ka šunen e Isuse, save čerde pe čačutne, te bi tužina e Isuse kaj vačarda khanči bišukar te bi dena le ko rimsko upravitelji.

²¹Thaj pučlje e Isuse: “Učitelju! Đana kaj šukar vačare thaj sikave, thaj ni dičhe ko si ko, nego čače sikave o drom e Devleso.

²²Vačar amenđe trubul li te da o porezi e carose il na?”

²³A o Isus dikhlja lengo lukavstvo thaj vačarda lenđe:

²⁴“Sikaven manđe jekh rupuni para savesa počinen o porezi. Kaso muj si kate ke pare thaj kaso alav?” A von savore vačarde: “E caroso.”

²⁵A vov vačarda lenđe: “Den so si e caroso e carose, a so si e Devleso den e Devlese.”

²⁶Thaj naštine aračhen khanči bilačhe ane lese lafura angle manuša, thaj divisajle pašo leso vačaripe, thaj khanči ni vačarde.

²⁷Gija avile nesave sadukejura save vačarena kaj khoni ni ka uštol tare mule, thaj pučhlje e Isuse:

²⁸“Učitelju! O Mojsije amenđe dija zakono kana merol nekaso phral, thaj ačhavol romnja a ni sasa len čhave. Gova manuš trubul te lol pe phralese romnja te šaj bijanol čhave savese ka preperol sa o barvalipe e muleso thaj te phiravol leso alav.