Luka 20:14-28

¹⁴Lakini ealemi amizabibu naamuine, aeikoile eenso kwa enso ekalunga uyu yuyu musali, kumubulage kuite usali wakwe utule witu.

¹⁵Ekamupumya kunzi amugunda wazabibu nukumubulaga ite umukola mugunda ukutenda ule?

¹⁶Uzile uzeangameza ealemi amugunda wazabibu, naukuapa antu angiza umugunda nuanso.

¹⁷Lakini u Yesu wikaagoza, wekalunga, ite ulukani uluite lukete ndogoelyo ke? Igwe naalehile eazengi latula lamumpelompelo?

¹⁸Kela umuntu nukugwa migulya igwe nelanso ukuunangwa ipande, ipande, lakini uyu nuekagwelwa lekumutula.”

¹⁹Kuite eandeki neakulu amakuhani aeadumile nzela akumuamba matungo yayo yayo, alengile kina alungile empyani eye kunsoko ao. Lakini aeaogopile antu.

²⁰Ae amugozee nunda, ekatuma eakoelyi naeitendya kina antu neatai, ite alenge kulija ikosa kuhetubaakwe.

²¹Neenso ekamukolya ekalunga, mwalimu, kuine kina ukutambula, nukumanyisa imakani atai nashanga akuilwa numtu wehi, lakini uewe wemanyisa etai kukeela Itunda.

²²He taine usese kulepa ekodi kung'wa Kaisali ang'wi aa?

²³Lakini uyesu wikalenga umuntego wao, wekaaila,

²⁴Ndagele edinali. Sula ang'wa nyenyu ekole migulya akwa? Ekalunga, ''Ang'wa Kaisali.''

²⁵Nung'wenso wekaaela, kuite, mupi ukaisali, ni Tunda nakwe mupii.

²⁶Eandeki neakulu neakuhani aeagila anga uhumi wa kukosela eke nuketambue ntongeela aantu. Ekakuelwa emasukilyo akwe, nashaatambue lehi.

²⁷Ang'wi amasadukayo ekamendela, awa kina etambula kina kutile anga uiuki.

²⁸Ekamukolya, ekalunga, ''Mwalimu umusa aukuandekie kina umuntu angawashilwe numunyandugu nukete umusungu nemugila anga ng'wana ite uhumile kumuhola umusungu wamunyandugu wakwe nukutuga nung'wenso kunso ang'wa kaka akwe.