Lukasi 20:14-28

¹⁴Wala walingulima lowawene, wazangilonjela, ‘Ayu ndo yohalila. Tumkopole leka kuhalila kwa heye kuwe kwa hetwe.’

¹⁵Lelo Nawamlavya hafungo mwa mgunda wa mizabibu. Wamkopola.?” Yesu nakauza, “Yula yawele na mgunda kowadita ndaze wala walimi?”

¹⁶“Kokuya kuwabagamiza awala walingulima, na kowapa walimi wanji awo mgunda wa zabibu.” Wanhu lowahuliche yolonga ahyo, nawalonga, “Hebu haiwa ahyo!”

¹⁷Ila Yesu kawalola, nakawalonjela gano, “Maandiko Matakatifu gana mana yachi? “ ‘Iganga lilemigwe na walinguzenga, lelo liwa iganga likulu lya msisi!’

¹⁸Wone munhu yogwa mchanya mwa iganga alyo, kobeneka pasapasa na wone iganga limgwile munhu yoneche, lyomhondanga.”

¹⁹Walangusa wa malajizo ga Musa na watambika wakulu nawavizela, yaliyowalangusa kwa nhelo ayo yowalangusa hewo, wazangugana wambate bahala, ila nawadumba wanhu

²⁰Wazangupala mhela unojile. Wapala wanhu wazengidita wanoga, kumuuza. Aho wali wogana wambate na kumgala kuli ludali lwa chilongozi.

²¹Wala wapugajizi nawamlonjela, “Mlangusa, tuvizela hegwe kwangulangusa na kulonga aku wokomya, tuvizela hambe umbagule munhu, kwangulangusa nzila za Nguluwi.

²²Lelo tulonjele iwa goya kumpa mndewa wa Loma kodi?”

²³Yesu nakavizela aho wangumjeza, nakawalonjela,

²⁴“Mndajile sendi ayo. Ndaze mutwi na itagwa ali ndo lya whaani?” “Mutwi wa Kaizali.” Nawedichila.

²⁵Yesu nakawalomjela, “Goya, mmigalile Kaizali gawele ga Kaizali na mmigalile Nguluwi gawele ga Nguluwi.”

²⁶Aho hali wanhu walemwela kumgwiliza, wekala tulu wochijesa vyoyawalonjele.

²⁷Wala Masadukayo, nawawele walonga kuduhu uzilipuko kwa wabagame, woya hali Yesu, wazangulonga.

²⁸“Mlangusa, Musa nakatwandichila, ‘Wone mng'holozo yumwe yaje ne kulela mwana, yogana munhu yumwe wa lukolo lwenu yamhalile ayo mdala, yamlelele wana mng'holoze.’