Leemiso Maxaafaa 8:27-36

²⁷“GODAI salota miccido wodenne gita abbatuppe bollaara salo gufanttuwaa giigissido wode, taani yan de7ais.

²⁸GODAI shaarata bollan wottido wode, gita abbaa pulttota xuussido wode,

²⁹abbaa haattati banttau imettida zawaappe pinnidi, bollau aadhdhennaadan, i eta azazido wode, sa7aa baasuwaa i baasido wode, taani yan de7ais.

³⁰He wode taani a matan waanna oosanchcha; ubba gallassi taani a ufaissais; taukka a sinttan ufaittais.

³¹I medhdhidobai ubbai, sa7aikka asaa naatikka tana ufaissoosona.

³²“Ha77ikka simmi ta naatoo, siyite; taani yootiyoogaadan oottiyaageeti anjjettidaageeta.

³³Ta timirttiyaa siyite; siyidi aadhdhida eranchcha gidite; siyidobaa shenehoo gooppite.

³⁴Taani yootiyoogaa siyiya urai, hachchi hachchi ta penggen beettiya urai, ta soo geliyoosankka naagiya urai anjjettidaagaa.

³⁵Tana demmiyaagee de7uwaa demmees; GODAAPPE i sabaa demmees.

³⁶SHin tana demmennan aggiya urai bana qohees; tana ixxiya ubbati, haiquwaa siiqoosona” yaagausu.