Tɛnɛ Faalaaliiti 8:27-36

²⁷Gè ɠɛni ná niina, siɛgi zu é geeɠɔlɔgi zeini su la, é kwɛgi la, é tati ziɛ wolai ma.

²⁸Siɛgi zu é tonaɓiingiti seini su la geezuʋɛ, é zɛbɛi ve ziɛungiti bɛ, ti ɗa ɠula ga keeɠaaɓaai.

²⁹Siɛgi zu é kpoloɗɛi ɠwɛgi laani la, ziɛiti ti mina ɓudɛ maazu, siɛgi zu é eteai ma wuulaagi ɠazaʋini da,

³⁰gè ɠɛni koba, eɠɛ ná-botiɠɛ ɠundiɠi, gè ɠɛni ziilaazu folo-o-folo, gè ɠɛni kuai wosu gaazu yeenɔpɛ,

³¹gè ɗa kuai wo ná-etea ɓɛtɛai zu, gè ɗa nà-ziilaai zɔlɔɔ nuɓusɛiti saama.

³²Niizu dòun zunuiti, à woilo gòoi ma, wa ɠɛ ga undaanɛɛ nuiti, ni wa ziɛna ga nà-peleiti!

³³À woilo nà-kala gooiti ma, wa ɠɛ ga ɠima nuiti. À mina da ɠoba pɛ!

³⁴Undaanɛɛ nu ɠa ga naati, niiti ti woilosu gòo ma, niiti ti losu nà-pɛlɛlaʋɛ folo-o-folo, ti ɠaaɓaazu nà-pɛlɛlaʋɛ ma!

³⁵Mazɔlɔɔ zɔi a kà, naa zɛnvui zɔlɔɔga, é Ɠɔoɠɔ GALAGI ná-kpɔbai zɔlɔɔga.

³⁶Kɛlɛ zɔi nɔpɛ é la ɠoloni bɛ̀, naa ɠa ɓɔɠɔ ɓɔlɔzu, niiti kpein ti wɔ̀inzeɠezu, saai nɛɛʋɛ naati bɛ.»