1Neeni deriyaa haariyaagaara qumaa maanau uttido wode, ne sinttan de7iyaagaa loittada akeeka.
2Neeni daro yora asa gidikko, naagetta.
3I nena paaccanau danddayiyo gishshau, aadhdhida mal77o qumau yiiqetoppa.
4Duretanau daafuroppa; hegaa mala keesiyaa agganau cincca gida.
5Hegaa mala duretettai neeni xeellishin xayana; qefiyaa kessidi argganttaagaadan, saluwaa paallana.
6Uuziyaa qumaa mooppa; a mal77o qumaakka maanau amottoppa.
7Milatissanau i nena, “Ma; uya” yaageesippe attin, a wozanai nenaara de7enna.
8Neeni miido qiiba qumaa cooyana; ne galataikka hada gidana.
9Eeyyaassi payyabaa haasayoppa; aissi giikko, ne aadhdhida era haasayaa i karana.
Leemiso Maxaafaa 23
Leemiso Maxaafaa 23:1-9