Tinata Valavalar 23:1-9

¹Ba u ian varurung ma ra luluai, Una nuk bulu pa nina i ki ra luaina matam;

²Ma ba u ra lukai, Una vung ra pakat ta ra kongkongim.

³Koko una kaina upi kana lavur kalami na nangnang, Tago dia da ra nian i vartuam.

⁴Koko una ongor upi una uviana; Una ngo ma kaum kabinana.

⁵Ba ra matam i bobe ke, i panie muka; Tago ra vurvur magit dia vung ra bebea i diat, Ma dia purpururung urama ra maup da ra minigulai.

⁶Koko una en ra magit kai ra tena langodo, Ma koko una kaina upi kana kalami na nangnang;

⁷Tago da i toto ta ra balana, damana ra maukuana; I biti tam dari: Una ian ma una momo; Ma vakir ra nuknukina damana piram.

⁸A ngungu magit ba u tar en ia una ga marue mule, Ma una ga vole kaum kalami na tinata.

⁹Koko una tatata ba ra lunga i ki na valongor, Tago na pidimuane ke ra kabinana ta kaum tinata.