Jona 4

1

2

3

4

¹Jona'a tusiza huno musena osuno tusi'a asi vazigeno,

²Ramofontega nunamu huno asmi'ne. Ramoka muse (plis) hugantoe. Ese agafareti nagra ko antahi'noe, Ninivea eri haviza osugahane hu'na kumani'are mani'nena antahi'noe. Antahite'na mopani'a atre'na, Tasisia nagra fre'na vu'noe! Na'ankure, Kagra kasunku nehunka knare huzmante Anumzane, agzone huzmantenka kasunku'zamo avite Anumzane, zamazeri haviza hugahue hana vahera ana nosane.

³E'izanku nona'a, Ramoka nagri menina nahege'na fri'neno. Nagrama omni'na, frisugeno'a knare hugahie.

⁴Ramo anage hu'ne, knare kegafa me'negenka krimpa nehano?

⁵Anage higeno, Jona'a zge hanati kaziga ra kumara atreno via'zamo, zge tonare huno osi no ome kino anampinka mani'neno, inankna'za Ninivea fore hugahie nehuno avu anteno mani'ne.

⁶Ra Anumzamo, zgefinti aza huno Jonana anumofo tona huntenogu, nofi huntegeno hgeno mreri'ne, ana nofi'ma hage'nea zankura Jona'a, tusi'za huno musena hu'ne.

⁷Hianagi mseno ko'atigeno nanterampi, Anumzamo'a havigfa huntegeno ana nofira eme ani traga hutregeno, ana nofi'mo hagege hu'ne.

⁸Zgema hanatigeno'a, Anumzamo amuho nentake zaho, zge hanati kazigati huntegeno, zgemo'a Jona anunte tentegeno, avu evu evu higeno Jona'a fri'za nehuno, kezati'ne, nagrama ngesa antahuana frisugeno'a knare hugahie, ksefa hu'na mani'zankura nave'osie.

⁹Anante Anumzamo Jonana asmi'ne, knare ke agafare nofikura kasia nevzio? Huno antahigegeno Jona'a, knare ke agafare nagria nasivazige'na friku nehue.

¹⁰Higeno Ramo amanage hu'ne, eri'za erinka, krinka kegva hu'nana nofiku kagra krimpagna nehano, nofimo'a mago kergepi hageteno mago zgefina frigahie.

¹¹Ninive ra kumapi wan 120 tauseni'a agtere'nea vahe'mo huno, e'izana tamazanki, havi'zanki huno osugahie, afu' kevuzga rama'a mani'ne. Hianagi, kagrama antahi'nana, Nagra e'i ana ra kumakura nagesa nontahuo? Huno asmi'ne.