BƐBAATÍBƐ̀ 1:10-17

¹⁰Bɛ̀ bɛ ndèè kɛ́do Ebunɔɔ kɔbɛ bɛ̀ do yu dìì ɛì nɛ̀ dimɔ̀nnì kɛ tú Kidiyɑ-Adibɑ, kɛ́kuɔ Sesɑii nɛ̀ Aimɑnni nɛ̀ Tɑdimɑii bɛ nɑɑ̀mùntì kɔbɛ.

¹¹Kɛ̀ bɛ̀ɛ deè bɛmbɛ, kɛ́sɔɔ́ nkɛ́do Debii kɔbɛ, bɛ̀ do yu dɛ̀ nɛ̀ dimɔ̀nnì kɛ tú Kidiyɑ-Sefɛɛ.

¹²Kɛ̀ Kɑdɛbuu bɛ́i nkɛ dɔ̀: Kɛ̀ wèè dokɛ́nɛ̀ Kidiyɑ-Sefɛɛ kɔbɛ kɛ bɛ̀ nɑ kɛ fìètɛ bɛ ɛì m bo ò duɔ́ n kóo sɑpɑ̀ɑ̀ nhAkisɑɑ, kòo puokɛ.

¹³Kɛ̀ Kɑdɛbu nɑntɛ̀ Kenɑsi birɛ Otinniyɛɛdi bɛ̀ dokɛ́nɛ̀ kɛ́ bɛ̀ nɑ, kɛ́fietɛ dihɛì, kɛ̀ Kɑdɛbuu ò duɔ́ nho kóo sɑpɑ̀ɑ̀ nkòo puokɛ.

¹⁴Dɛ kóo nitìpòkù tùɔ̀koo dìì mɔ̀nnì Otinniyɛɛdi borɛ̀, kóò nɑ̀kɛ́ kɛ dɔ̀ wèe mɔɔ o cicɛ Kɑdɛbu kupɑku. Kɛ̀ bɛ̀ɛ tuɔkɛ Kɑdɛbu borɛ̀ kòo cútɛ́ní o sɑ̃mmɑrímú kɛ́nínkóo o ììkɛ̀ kòo ò bekɛ kɛ dɔ̀: A dɔ́ bɑ?

¹⁵Kòò dɔ̀: N kuɔ́ mmɛsémmɛ̀ kɛ́ m pɑ̃ kɛtenkɛ̀ mɛniɛ mbo kɛ̀, kɛ yɛ̃́ mɛniɛ nyí bomɛ̀ Nɛkɛfu kó kɛtenkɛ̀ ɑ n duɔ́ nkɛ̀. Kɛ̀ Kɑdɛbuu ò duɔ́ nkɛtenkɛ̀ kɛ̀ɛ̀ mɔ̀kɛ inɛ́cɛ idɑɑtíyì nɛ̀ icũmpuyi.

¹⁶Dɛ mɔ̀nnì kɛ̀ Mɔyiisi cɔ̀kù kó iyɑɑ̀bí Keniibɛɛ ítɛ́ní Sedikoo ɛì, bɛ̀ tu dì dɛpuonnɛ ɛì, kɛ nɛínɛ̀ Sudɑɑ botí kɔbɛ kɛ̀ bɛ̀ɛ kɔtɛ Sudɑɑ tenkɛ̀, kubiriku kɔbɛ Adɑdi bɑkù cɑ̃̀nku diyiè yìɛ̀ní kɛ̀ɛ̀ bíɛ́kɛ̀, kɛ́nwɛ̃ńnɛ̀ Amɑdesiibɛ kɛ bo.

¹⁷Sudɑɑ nɛ̀ o kɔbɛ kɛ̀ bɛ̀ɛ ítɛ́ kɛ́wɛ̃nnɛ́nɛ̀ o kóo kótì Simmɛɔ̃ɔ̃, nɛ̀ o kɔbɛ kɛ̀ bɛ̀ɛ kpɑnnɛ̀ Kɑnnɑhɑ̃ɑ̃ kɔbɛ bɛ̀ɛ̀ bo Sefɑɑ, kɛ́ bɛ̀ nɑ kɛ́kuɔ, kɛ́pɔntɛ bɛ ɛì kɛ́dɛ́ítɛ́, kɛ́ dì yu kɛ dɔ̀ Didobonnì.