BƐBAATÍBƐ̀ 13:5-10

⁵A yóó púómmu kɛ́pɛitɛ́ dɛnitidɑbirɛ, kuponkù bɑ́ɑ́ kɑ́ɑ́kɛ́ dɛ yuu, ɑ yó ndɛ̀ pɛiní kɛ̀ dɛ̀ pɑ̃̀nkɛ tú ti Yiɛ̀ nKuyie nkpɛrɛ ndɛ, weè yóó ketɛ́ ò bo dɛɛtɛ́mɛ̀ Isidɑyɛɛribɛ Fidisitɛ̃ɛ̃bɛ nɔu miɛkɛ.

⁶Kòo nitipòkùu tɑ kɛ́nɑ́kɛ́ o dɔù kɛ dɔ̀: Ti Yiɛ̀ nKuyie nkóo nìtì mɔù weè kɔ̀tɛní m borɛ̀ kɛ donnɛ̀ ti Yiɛ̀ nKuyie ntɔ̃nnì kɛ̀ nh ò yɑ̀ kɛ̀ n kɔ̃m̀bùɔ̀tì dò n yí nɑ koò bekɛ́ ò yɛ̀nní dɛ̀ ò mɛ nyí n nɑ̀kɛ́ o yètìrì.

⁷Ò n nɑ̀kɛ́ kɛ tú m bo púó nkɛ́pɛitɛ́ dɛnitidɑbirɛ, kɛ tú kɛ́túótɛ́ yíe nnɛ̀ yɛwe yɛ̀ɛ̀ kpɑɑní mbɑ́ nyɔ̃ ndifɛ̃́ɛ̃̀ nɛ̀ mɛnɑɑ̀ mmɛ̀ɛ̀ muɔ̀, m mɛ mbɑ́ nyo nyikuɔ́ yetɛ tìì diitì. Kɛ tú n yóó pɛitɛ́ dɛ̀ɛ̀ birɛ n yó ndɛ̀ pɛiní kɛ̀ dɛ̀ pɑ̃̀nkɛ tú ti Yiɛ̀ nKuyie nkpɛrɛ ndɛ, kɛ̀ kù ndɛ̀ te dɛ fòmmu mumɔu.

⁸Dɛ mɔ̀nnì kɛ̀ Mɑndoɑ bɑ́ntɛ̀ ti Yiɛ̀ nKuyie nkɛ dɔ̀: N Yiɛ̀ nKuyie nyóu kòo nìtì ɑ tɔ̃nní wèe wɛ̃tɛní kɛ ti nɑ́kɛ́ ti dò nkɛ́dɔɔ̀mɛ̀ dɛbirɛ ti yóó pɛitɛ́ dɛ̀ kpɛ́í.

⁹Mɛm̀mɛ kɛ̀ ti Yiɛ̀ nKuyie ndɔɔ̀ Mɑndoɑ kù mɔɔ́ tì, kɛ̀ ku kó ditɔ̃nnìi wɛ̃tɛní onitipòkù borɛ̀ kɛ́nsɔ̃́ nhò bo kupɑku bɑ́ o dɔù í dɛ̀ bo.

¹⁰Kòo cokɛ́ mɛcɑ̃ɑ̃ nkɛ́nɑ́kɛ́ o dɔù kɛ dɔ̀: Onìtì wèè sòò kɔ̀tɛní m borɛ̀ ò wɛ̃̀tɛnímu.