Zatù 13:5-10

⁵Emun id-anak en is anak nu, kenè nu tempezi is bulvul zin su puun te ked-enaka kandin ibpeveyveyaan en sikandin te Megbevayà he sevaha he Nazareo. Ne edlibriyen din is Israel puun te ǥehem te menge Filistihanen.”

⁶Midtudtulan duen te vahi is esawa zin. Ke sikandin te, “Mibpaahà kedì is suluǥuen te Megbevayà he henduen be te velinsuǥuen te Megbevayà. Migkulbaan a! Wazà a mekeinsà ke tighendei sikandin ne wazè din daan keǥiya ke hentei sikandin.

⁷Migkeǥiyan e zin he ebmeǥingey e kun ne ed-anak a te maama. Ne migkeǥiyan e zin daan he kenà ad med-inum te vinu wey minsan hengkey he klasi te inumen he ebpekelangut wey kenà a megkaan te minsan hengkey he keenen he ed-isipen he meremerik, su is batà he id-anak ku ibpeveyveyaan te Megbevayà pinaaǥi te kedhimuwa kandin he Nazareo puun te kegkeetew zin taman te kebpatey zin.”

⁸Tenged dutun nengemuyù si Manoa ziyà te Nengazen. Ke sikandin te, “Nengazen, emun egkehimu, ipelikù nu is suluǥuen nu he midsuǥù nu su wey key zin mepenurù ke hengkey is ereg he ed-ul-ulahan dey zuen te vatà emun id-anak en sikandin.”

⁹Mibpemineg te Megbevayà is kebpengemuyù ni Manoa. Mibpeuman mebpaahà sikan is belinsuǥuen te Megbevayà diyà te esawa ni Manoa zutun te ebpimpinuu sikandin diyà te pemuleey, piru wazà dutun si Manoa.

¹⁰Migègaanan peleleǥuya si Manoa te esawa zin ne migkeǥiyan din te, “Manoa, hengkayi ka! Su kayi sikan is etew he mibpaahà kedì hein sevaha he andew.”