2. Kraľengero 13:2-10

²Kerelas oda, so na sas le RAJESKE pre dzeka, a na preačhelas te kerel ola bini, so kerelas o Jeroboam, le Nebatoskero čhavo, savo anďa le Izrael andro binos.

³Akor o RAJ sas choľamen pro Izraeliti, a vašoda len diňa pro but berš andro vasta le Aramejike kraľiske le Chazaeloske the leskere čhaske le Ben-Hadadoske.

⁴Ale sar pes o Joachaz modľinelas ko RAJ, ov les šunďa avri, bo dikhľa, sar o Aramejiko kraľis le Izraeliten trapinel.

⁵Akor o RAJ diňa le Izraeliten manušes, savo len iľa avri andral o vasta le Aramejike kraľistar. Paľis šaj bešle andre peskere khera andro smirom avke sar angloda.

⁶Ale na preačhile te kerel oda binos, andre savo le Izrael anďa o Jeroboam, a andre Samarija mek furt ačhelas o slupos la Ašerakero.

⁷O Aramejiko kraľis zňičinďa e Izraeloskeri armada a uštarelas pre lende avke sar pro prachos, sar pes marel avri o ďiv. O Chazael mukľa le Joachazoske le Izraeloskera armadatar ča penda (50) muršen pro graja, deš maribnaskere verdana the deš ezera (10 000) slugaďen.

⁸Savore aver veci, so o Joachaz kerďa, the leskere ňerinďipena (viťaztva), hin pisimen andro Zvitkos le Izraelike Kraľengero.

⁹Sar o Joachaz muľa, parunde les paš leskere phure dada andro foros Samarija. Pal leste ačhiľa kraľis leskero čhavo o Jehoaš.

¹⁰Sar imar kraľinelas tranda the efta (37) berš andre Judsko o Joaš, andro foros Samarija ačhiľa kraľis upral o Izrael o Jehoaš, le Joachazoskero čhavo, a kraľinelas ode dešušov (16) berš.