Yontu Tɑɑ Yontu 8:1-7

¹Ye mɑ nɑ-ŋ tɩɩ kɑɑwɑ too kʋlʋm, mɑɑ wɑɣɑlɑɣɑ-ŋ ɑwɑlɩ kɛlɛ timpi timpi mɑ suliɣi-ŋ tɔ. Ɩlɛ nɔɣɔlʋ tɑɑ yɩ-m.

²Mɑɑ ponɑ-ŋ nɑ mɑ́ sʋsɩ-ŋ mɑ too tɛ́ nɑ ń sɛɣɛsɩ-m. Nɑ mɑ́ yele nɑ ń nyɔɔ mɑ sʋlʋm sɔɔsʋŋ nyǝm. Mpi pǝ kɛ́ mɑ tʋɣʋ pile nyǝm tɔ.

³Te mɑ nyʋɣʋ nɑ nyɑ́ niŋ mpǝtǝŋ, Kpɛkǝnɑ-m nɑ nyɑ́ ntɔɣɔŋ.

⁴Hɑɩ, Yosɑlɛm pɛɛlɑɑ mɛ, mɑ tuukinɑ-mɛ. Ɩ́ tɑɑ pɑɑtɩ tɑ́ sɔɔlʋɣʋ nɑ pǝ wɑɑtʋ tɑ tɑtɑ.

⁵Pɛɛlɔ wei ɩ kɔŋnɑ ntɛ́ nɑ wʋlɑɣɑ tɛtʋ tɔɔ, nɑ ɩ́ nyǝkɑ ɩ kʋsɔɔlʋ tɔɔ? Tʋɣʋ tɛɛ kɛ́ mɑ feesɑ-ŋ. Tǝnɑɣɑ nyɑ́ too wei ɩ lʋlɑ-ŋ tɔ ɩ kpɑɣɑ nyɑ́ hɔɣɔ.

⁶Sɩɩ-m nyɑ́ lɑŋlɛ nɑ nyɑ́ ŋkpɑlǝŋɑ tɔɔ ɩsɩɩ kʋyʋsʋɣʋ. Mpi tɔ, Sɔɔlʋɣʋ wɛ toŋ kɛ́ ɩsɩɩ sǝm. Nɑ ɩsǝsɛɛmlɛ nɑ́ɑ́ wɛ tomɑ ɩsɩɩ ɑtɛtǝlɛ. Sɔɔlʋɣʋ nyǝmɑ́ kɛ kɔkɔ nyǝnɑ kɛ́. Kʋ kɛ́ Tɑcɑɑ kɔkɔ kɛ́.

⁷Lʋm sɔsɔɔm ɩɩ pǝsǝɣɩ nɑ pǝ́ teesi kʋ kɔkɔ. Pǝyele pusi sɔsɔɔnsɩ kɑɑ li-kʋ. Ye yʋlʋ cɛlɑ ɩ tǝyɑɣɑ wɛnɑʋ tǝnɑ sɩ ɩ lɑɣɑsǝɣǝnɑ sɔɔlʋɣʋ, ɩsɩɩ pɑ tʋʋ-ɩ.