YAASINƆ 27:5-16

⁵Kpãkɛ̃na gbɛ̃zi gbɛ̃ pariinↄ wáa maa dɛ yena gbɛ̃zi asii guula.

⁶Gbɛ̃nna yã'ↄ̃amma kpáńzi náanɛ vĩ, ibɛɛ lɛ́pɛmmana mↄnafiki vĩ.

⁷Gbɛ̃ kɛ̀ kãna è zaza kũ zↄ́amɛ, mↄde nↄadɛri pↄ́ kyã̀kyã dↄ̃ro.

⁸Gbɛ̃ kɛ̀ kɛ̃̀ a uaa èe likↄ̃a zↄ̃ↄ dɛ lán bãa kɛ̀ sã̀sã a sàa bàmɛ.

⁹Nↄ́si gũ nnannaa kↄ̃n tuaetitio è ń pↄↄ kɛ nna, lɛ́dakↄ̃ana kↄ̃n nↄ̀sɛo doo è gbɛ̃nnanↄ kɛ nna.

¹⁰Ǹton pã kpá n gbɛ̃nnaziro ke n de gbɛ̃nna. Tó yã n le, ǹton gá n vĩ̀i ke n dãaro bɛro. N gbɛ̃daaa kɛ̀ kúńyo kĩi maa dɛ n bɛ gbɛ̃ kɛ̀ kú zã̀la.

¹¹Ma nɛ́, ǹgↄ̃ ↄ̃ndↄ̃, ma pↄↄ é kɛmma nna, mɛ́ we ma sↄ̃̀sↄ̃rinↄla.

¹²Làakaridee è yã pãsĩ e káaku, ben è utɛnɛ, laasuusaidee è gí àgↄ̃ gaa, ben è yã e.

¹³Tó gbɛ̃ nibↄ fĩa dì a musu, ǹ à uta sí ǹgↄ̃ kũna tↄↄba ũ adee pì gɛ̃ɛ ũ.

¹⁴Tó n yã ò gbãngbãn n sa maaa ò n gbɛ̃daaanɛ kↄngↄ idɛ'idɛ, weé da sa zaaa ũmɛ.

¹⁵Nↄ swèedee dɛ lán í kɛ̀ e tↄ̃tↄ̃ↄ zɛna sai lou zãa gurↄ bàmɛ,

¹⁶à dãdãna dɛ lán ĩa dãdãna bàmɛ, adee e nↄ̀si'í kũu kↄ̃n ↄↄomɛ.