YAASINƆ 24:9-24

⁹Yãfaasai wàaripana nɛ́ durummɛ, gbɛ̃ke ègↄ̃ ye faboriziro.

¹⁰Tó n mɛ̀kpɛtɛ kɛ̀ nawɛ̃akɛgurↄ, n gbãaa bítaro.

¹¹Ǹ gbɛ̃ kɛ̀ aↄ̃ mì pɛ̀ gaaanↄ mì sí, ǹ gí gbɛ̃ kɛ̀ aↄ̃ sòro wèe sii kaatɛnannↄnɛ.

¹²Tó n bè: O'o, wá dↄ̃ yãro fá, Luda kɛ̀ nↄ̀sɛguuyã dↄ̃ é eroo? N wɛ̃̀ndi gwàri à yã dↄ̃, eé fĩa bo baadenɛ a yãkɛnaamɛ.

¹³Ma nɛ́, ǹ zↄ́ ble, zaakɛ à maa, zↄ́sa è kɛ lɛ́nɛ nna.

¹⁴Lɛn ↄ̃ndↄ̃ↄ è kɛ gbɛ̃nɛ nna a nↄ̀sɛn lɛ. Tó n ↄ̃ndↄ̃ kũ̀, nɛ́gↄ̃ ziaa vĩ, tãmaa é n nɛro.

¹⁵Dàde, ǹton gbɛ̃ maaa ua kpákparo, ǹton à bɛ pↄ́nↄ kpokɛro.

¹⁶Baa tó gbɛ̃ maaa lɛ̀ɛ gɛ̃̀n swɛɛplaa, è ɛara à fɛɛmɛ, zaakɛrinↄ sↄ̃, mↄ́nzi è ń fu.

¹⁷Tó n ibɛɛ lɛ̀ɛ, ǹton pↄnnaa kɛro, tó à fù, ǹton à yáa dↄro.

¹⁸Tó Dii è lɛ, eé kɛnɛ nnaro, à pↄfɛ̃ é yãa n ibɛɛ pìamɛ.

¹⁹Ǹton tó gbɛ̃ zaaanↄ yã n kũ gbãaro, ǹton zaakɛrinↄ gwena ni dɛro,

²⁰zaakɛ gbɛ̃ zaaa égↄ̃ ziaa vĩro, Luda é zaakɛrinↄ fitia tɛ́ dɛ.

²¹Ma nɛ́, ǹ vĩa kɛ Diinɛ kↄ̃n kínao, ǹton gbɛ̃nna kpá kↄ̃n gbɛ̃ kɛ̀ aↄ̃ bↄ̀ ń kpɛɛnↄoro,

²²zaakɛ yã é ń le kãndomɛ. Dé bé à dↄ̃ lán weé ń ásaru kɛ nà?

²³Ɔ̃ndↄ̃deenↄ yãn yɛ̀ dↄ: Gbɛ̃wɛɛgwana yãkpaɛ guu maaro.

²⁴Gbɛ̃ kɛ̀ è yã nnaa kpá taarideea, gbɛ̃nↄ é sa zaaa onɛ, boriinↄ é à ká.