YAASINƆ 1:15-25

¹⁵Ma nɛ́, ǹton gáńyoro, ǹton zɛ́ sɛ́ńyoro.

¹⁶Zaakɛ aↄ̃ègↄ̃ wãa kↄ̃n yãzaakɛnao, aↄ̃ↄ kpaa kↄ̃n gbɛ̃dɛnao.

¹⁷Bàkpakpana bãanↄ wáa nɛ́ yã pãamɛ.

¹⁸Aↄ̃ↄe takutɛɛ kpákpaa ń zĩndanɛmɛ, aↄ̃ toke bé à ń paa.

¹⁹Ɔↄzaa'erinↄ ziaan gwe ń píngi, aↄ̃ lugana pↄ́zi bé è ń wɛ̃̀ndi bↄ.

²⁰Ɔ̃ndↄ̃ↄ e wii lɛɛ gãalɛ, à lɛ́ dↄ zɛ́daan.

²¹Èe lɛ́ zuu zɛ́ kɛ̀ wè kakↄ̃an lɛ́a, èe kpàakpa kɛɛ wɛ́tɛ bĩilɛnↄ guu à be:

²²Ɔ̃ndↄ̃saideenↄ, égↄ̃ kuu kↄ̃n ↄ̃ndↄ̃saikɛɛo ai bↄrɛmɛ? Faborinↄ, é zɛ kↄ̃n ma fabonao ai bↄrɛmɛ? Yↄ̃nkↄↄnↄ, égↄ̃ zaa dↄ̃nan ai bↄrɛmɛ?

²³Tó a ma lɛ́damma mà yã, lɛ ma a dↄ̃na pìsiawa, mɛ́ tó àgↄ̃ ma laasuu vĩ.

²⁴Lán ma a sisi a gi swã kpázi nà, ma ↄ pòroare, a gbɛ̃kee e làakari kɛro,

²⁵lán a ma lɛ́damma kpà swãkoto nà píngi, ée we làakari kɛ̀ ma a gbaaziro,