NUMERA 2

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

¹Iehova ese Mose bona Aaron e haḡanidia, eto,

²Israel taudia na iduhu ta ta ai edia taruha bae hagini, edia iduhu pepedia badibadidiai; taruha iboudiai na hebou kalagana bae vaira henia bona bae ḡeḡea ahu.

³Mairiveina ai, dina e daemu kahana ai, Iuda taudia bae taruha, edia iduhu pepena badibadinai. Ikwaradia tauna na Nason Aminadab;

⁴bona ena tuari taudia iboudiai na 74,600.

⁵Ia badibadinai Isakara taudia bae taruha. Ikwaradia tauna na Netanele Suara;

⁶bona ena tuari taudia iboudiai na 54,400.

⁷Ma ia badibadinai na Sebulun taudia bae taruha. Ikwaradia tauna na Eliab Helon;

⁸bona ena tuari taudia iboudiai na 57,400.

⁹Taunabunai Iuda oreana ena tuari taudia ibouboudiai na 186,400. Laolao negadia ai, idia na bae raka lasi guna.

¹⁰Diho kahana Ruben taudia edia pepe bae hadaia bona bae taruha. Ikwaradia tauna na Elisuru Sedeuru;

¹¹bona ena tuari taudia iboudiai na 46,500.

¹²Ia badibadinai Simeon taudia bae taruha. Ikwaradia tauna na Selumiele Surisadai;

¹³bona ena tuari taudia iboudiai na 59,300.

¹⁴Ma ia badibadinai Gad taudia bae taruha. Ikwaradia tauna na Eliasaf Reuele;

¹⁵bona ena tuari taudia iboudiai na 45,650.

¹⁶Taunabunai, Ruben oreana ena tuari taudia ibouboudiai na 151,450. Idia na raka lasi oreana iharuana

¹⁷Idia muridiai Levi taudia ese hebou kalagana bae huaia lasi, edia taruha kalagadia ida; tuari oreadia bogaragidiai bae huaia lao. Iboudiai edia taruha ta ta ai bae raka lasi, orea ta ta ena pepe ena pepe muridiai.

¹⁸Lahara kahana Efraim taudia edia pepe bae hadaia. Ikwaradia tauna na Elisama Amihud;

¹⁹bona ena tuari taudia iboudiai na 40,500.

²⁰Ia badibadinai Manase taudia bae taruha. Ikwaradia tauna na Gamaliel Pedasuru;

²¹bona ena tuari taudia iboudiai na 32,200.

²²Ma ia badibadinai Beniamina taudia bae taruha. Ikwaradia tauna na Abidan Gideoni;

²³bona ena tuari taudia iboudiai na 35,400.

²⁴Taunabunai, Efraim oreana ena tuari taudia ibouboudiai na 108,100. Idia na raka lasi oreana ihatoina.

²⁵Mirigini kahana Dan taudia edia pepe bae hadaia. Ikwaradia tauna na Ahiesere Amisadai;

²⁶bona ena tuari taudia iboudiai na 62,700.

²⁷Ia badibadinai Asere taudia bae taruha. Ikwaradia tauna na Pagiele Okran;

²⁸bona ena tuari taudia iboudiai na 41,500.

²⁹Ma ia badibadinai Napatali taudia bae taruha. Ikwaradia tauna na Ahira Enan;

³⁰bona ena tuari taudia iboudiai na 53,400.

³¹Taunabunai, Dan oreana ena tuari taudia ibouboudiai na 157,600. Idia na raka lasi oreana gini gabena; edia iduhu ta ta ai bae raka lasi.

³²Israel taudia edia iduhu ta ta ai e duahidia bini. Tuari taudia, edia iduhu ta ta amo e duahidia, ibouboudiai na 603,550.

³³A Iehova ese Mose e haḡania heḡereḡerena, Levi taudia na Israel taudia ida asie duahidia hebou.

³⁴Israel taudia na unu e kara toma. Iehova ese Mose e haḡania heḡereḡerena, idia ese edia pepe ta ta badibadidiai e taruha, bona edia orea ta ta ai bona edia iduhu ta ta ai edia taruha amo e raka lasi.