Text copied!
BREAK EVERY YOKE
CopyCompare
Kâte Bible
- Miti Mânec

Miti Mânec 107
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150

Help us?
Click on verse(s) to share them!
1Wofuŋ daŋge âzâcneniŋ, e uruc jauŋ‐ticnehec; â aki anonoc‐ticne fofo sanaŋ foocmu.
2Wofuŋzi firuec‐jopawec jaŋe iŋuc munʒepieŋ, ʒârâ hâriŋkonec batarac‐jopawec jaŋe hâcne.
3E mâreŋne mâreŋne irec henusuc‐jopawec, ʒoaŋ wewefunaonec â huhunaonec, mâreŋ faickonec â juwickonec.
4Gâcne jaŋe mâreŋ tuhuo qac qâsoric erâ jumbiŋ, ehuc ŋichae wiac irec hata moc mi bâfuambiŋ.
5Nânâ opâre hâmohuc, maŋjeŋic omaezo ewec.
6Eme harac eku Wofuŋ wira wâwâsic ecnepie, ʒârâ ʒâpâonec batarac‐jopawec.
7E hata dândâŋnao jowac‐jopame, hae ŋeŋene mocko fisimbiŋ.
8Irec Wofuŋ uruc jauŋ‐ticnere daŋge âzâcnenʒepieŋ, e ŋic nâŋâcnao mâsi sâko baekacte.
9E opâre hâmoeŋgopieŋ jaŋe bâgunuc‐jopaekac, â nânâre sâqoreeŋgopieŋ jaŋe wiac biaŋne jareme nâ gapec eeŋgopieŋ.
10Gâcne jaŋe dapâcko qiŋquŋkehuc ŋembiŋ, niŋgiŋ‐jopahuc aeŋzi basanaŋ‐jopakicnere huacbuc embiŋ;
11ine Anuture dâŋ pepec sisiric ecnembiŋte, â Femicne sâkore uŋdâŋ mana suambiŋte.
12Eme jaŋe ʒâic gie baku maŋjeŋic wahawec, qarâ suriŋne erâ babafic basambiŋ.
13Eme harac eku Wofuŋ wira wâwâsic ecnepie, ʒârâ ʒâpâonec batarac‐jopawec.
14E aeŋ niŋgiŋ‐jeŋic hetâcnehuc, dapâcko qiŋquŋkehuc jumbiŋkonec baefuc‐jopawec.
15Irec Wofuŋ uruc jauŋ‐ticnere daŋge âzâcnenʒepieŋ, e ŋic nâŋâcnao mâsi sâko baekacte.
16E motâc sanaŋ heropieekac, â aeŋ aka qazuekac.
17Gâcne jaŋe sindaŋ eku huc bacjopawec, â hehesic‐jeŋicte erâ ʒâic fua‐jarewec.
18Jaŋe nânâ sasawa qikiŋne‐fârembiŋ, â hâmocte motâc bâqiŋkembiŋ.
19Eme harac eku Wofuŋ wira wâwâsic ecnepie, ʒârâ ʒâpâonec batarac‐jopawec.
20E dâŋticne soreme fisi bâpiaŋ‐jopawec, ehuc ʒâŋeruŋkonec baefuc‐jopawec.
21Irec Wofuŋ uruc jauŋ‐ticnere daŋge âzâcnenʒepieŋ, e ŋic nâŋâcnao mâsi sâko baekacte.
22Erâ daŋge tahare wiac bacne fisinʒepieŋ, â ʒeri gae hecnehuc wiac bapa‐ticne musokanʒepieŋ.
23Gâcne jaŋe moŋgeŋko hurâ wokeo fembiŋ, hâwec sâko fotâcnehuc âbârâ gie baniŋte.
24Jaŋe Wofuŋte wiac bapa honembiŋ, ʒâkâŋ faio mâsi baekac i hâcne.
25Ere micdâŋte mâŋâŋ ɋicwânʒâŋ fisirâ, hâwec siri ʒocnehec bafaharewec.
26Sambâŋkopec fembiŋ, hârâckopec humbiŋ, ehuc ŋic hâbi‐jeŋic goroŋkewec.
27Ʒâŋe‐jeŋic bâniniŋkeme, biric boroc ehuc maŋjeŋic omaewec.
28Eme harac eku Wofuŋ wira wâwâsic ecnepie, ʒârâ ʒâpâonec batarac‐jopawec.
29E mâŋâŋ ecneme qaʒuewec, â hâwec siri niniŋkewec.
30Niniŋ siarereŋ fuame aŋac‐jopawec, eme siluŋ hejâpembiŋko rafisimbiŋ.
31Irec Wofuŋ uruc jauŋ‐ticnere daŋge âzâcnenʒepieŋ, e ŋic nâŋâcnao mâsi sâko baekacte.
32Jaŋe ŋic ŋokac tutumaŋko Wofuŋ muafeckenʒepieŋ, â soŋaŋ tutumaŋko mumbiaŋkenʒepieŋ.
33E opâ sâko hetikieme moŋgeŋ kereŋne fuaekac, opâ ʒâŋezi mâreŋ hahaŋkekicne eekac.
34Me mâreŋ guec biaŋzi hâfu roroc eekac, i runezi sindaŋ gie bapie iŋuc fuaekac.
35Erâ wâc mâreŋ burocnao riqic bâfuaekac, kereŋnao opâ ʒâŋe mume wefuekac.
36Erâ ira ŋic tac qararacne râec‐jopame, fic hae bâfuarâ jueŋgopieŋ.
37Jaŋe gie he sarac ehuc waiŋ wâc saraeŋgopieŋ, eku mazuc mâriri sâkohec eeŋgopieŋ.
38Jambuŋ‐jopame jaŋacne wâc fua sawec eeŋgopieŋ, â hae qowifâc‐jeŋic afecne mi saweeŋgopieŋ.
39Moczi moc ro waha âte ejarekupie, ʒârâ hâriŋ â memezac fua‐jareocmu, me ʒare‐jeŋic wahame busâqoc mananiŋmuo,
40ine ŋicbomboŋ mimi qaqa ejareocmu, â tuhuo râec‐jopame qac qâsoric eniŋmu.
41Bebekâne ine ʒârâ hâriŋkonec batarac‐jopaocmu, â ɋâricfâc‐jeŋic bec qowi iŋucne saweniŋmu.
42Ŋic siocmâc jaŋe i honerâ bubiaŋ mananiŋmu, â ŋic sindaŋne sasawa jaŋe dâŋ fâsâe‐jareocmu.
43Moc e maŋɋârâŋ jukaczi wiac i hone‐hâmozejec, â ŋicne ŋicne Wofuŋ uruc jauŋ‐ticnere fuŋne mana‐hâmonʒepieŋ.


BREAK EVERY YOKE
Creating and distributing free Bible translations for the web and mobile phones to every tribe on Earth. Click to learn how you can support this work!