1O Wofuŋ, go nunumu‐nane manac, wâwâsic‐nanere hazec râec! Jauŋ fârigere sâcko micnaneo roc, erâ tiŋnegere sâcko.
2Kiŋaŋŋicge nohec dâŋgie mi bac, ŋic jujune moczi maigao bahacmâc mi jukac.
3Jei, râsizi maŋ qâqâtâc‐nanere wosaŋeŋ bakac, juju‐nane qâfieme mâreŋko waha qakac, dapâcko râecnume esecne hâmombiŋ jaŋere sâc ekopac.
4Irec maŋnane gâckeme bu ʒaʒamaŋ‐nane fâuckezo ekac.
5No dameŋ raŋɋanere manasukopac, gie bameŋ i maŋzi honehuc ŋekopac, wiac ebac emeŋ irec manatâc qâtâc ekopac.
6No menane goraopec sicnekopac, maŋ qâqâtâc‐nanezi gore ecnekac, i mâreŋ hahaŋkekicnezi opâre hâmoekac irec sâc.
7O Wofuŋ, go micnaneo biac rozemec, maŋnane omaekac! Ʒâŋe maige mi bâsoŋke‐narec, nombâŋko hueŋgopieŋ jaŋe iŋucne ezipore.
8No gorao roweckekopacte furictea aki anonocge nowatuzemec. Hata jupemurâ mukic i qazu‐narezemec; maŋnane gorao sâsepe hefakac.
9O Wofuŋ, râsifâc‐nane jaŋere meonec bataracnuc; no gore dapeŋko soŋkekopac.
10Go nore Anutu jukicte gore micrereŋ qazu‐narec; Mâro biaŋgezi hata wâwâneŋko jowacnuzejec.
11O Wofuŋ, go ʒâŋegere erâ juju‐nane hone kitaŋ ecnezemec! Tiŋnegere sâcko ʒârâ hâriŋkonec baefucnuc.
12Erâ uruc jauŋgere sâcko râsifâc‐nane bâsirowec‐jopazemec, â fific bacnueŋgopieŋ jaŋe omaec‐jopa‐fârezemec, noni gore kiŋaŋ qaqa jukopacte.
