Salmos 107

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

51

52

53

54

55

56

57

58

59

60

61

62

63

64

65

66

67

68

69

70

71

72

73

74

75

76

77

78

79

80

81

82

83

84

85

86

87

88

89

90

91

92

93

94

95

96

97

98

99

100

101

102

103

104

105

106

107

108

109

110

111

112

113

114

115

116

117

118

119

120

121

122

123

124

125

126

127

128

129

130

131

132

133

134

135

136

137

138

139

140

141

142

143

144

145

146

147

148

149

150

¹Bab-Jehováʼga dog-nuedye sogmala, ar edi, dule-nuedid. E-sabgued, degisadeguad.

²Bab-Jehováʼse-abonolesmalad, Bab-Jehováʼse-e-isdarmalad-ganguedgi-bela-bela-bendaklesmalad,

³Bab-Jehová bela-Israel-dulemar-yar-baid-baidgi-bukwad senonikid: Dad-nakwedsikmalad, dad-argwanedsikmalad, dad-nakwed-argan-sapiledsikmalad, dad-nakwed-argan-nuedsikmalad. Amar Bab-Jehováʼga dog-nuedye sogmala, ar edi, dule-nuedid. E-sabgued, degisadeguad.

⁴Dulemar-abala nega-dulesulidganba yoggus gaamakdii gusmalad. Neggwebur-megdapmaloedse-momalaga, gwen igar-amisuli-gudii gusmalad.

⁵Na mas-gunbigudii gusmalad, uku-uku-itodii gusmarbalid, gwen san-bar-onoged itossurmalad.

⁶Geb surbinsa-itogusmaladba Bab-Jehováʼse gochamalad, geb Bab-Jehová e-wiledimaladgi bendaknonikid.

⁷Bab-Jehová neggwebur-megdapmaloedse-momalaga, igar-innikigwadba idumai gusad.

⁸Dule-nue-wiledakmaid-ulale, Bab-Jehováʼga doggus-nuedye be sogmala. Dulemarga-ibmar-gegerdaklemalad-imakdiid-ulale, Bab-Jehováʼga doggus-nuedye be sogmala.

⁹Bab-Jehová dule-uku-uku-itodimaladga ukud obeloged. Dule-ukudmaad-itodimaladga bur mas-nued uked.

¹⁰Abala nue-wile-itobukwa, emar-maiga-bukwa gusmalad. Negasichidgi, burgwednaga-bukwa gusmalad.

¹¹Ar Bab-Jehová-Bur-Birigined-igar-sogsadba ibsassurmalad. Ar Bab-Jehová-binsaed-uked isdar itosmalad.

¹²A-ulale, Bab-Jehová arbaed-dummad ega urmaksad, aimukumai gusmalad, dule gwen bendaksasulid.

¹³Geb surbinsa-itogusmaladba Bab-Jehováʼse gochamalad. Geb Bab-Jehová, e-wiledimaladgi bendaknonikid.

¹⁴Negasichidgi-burgwednaga-bukwamaladgi onosad, emar-maiga-gudidiidgi onosad.

¹⁵Dule-nue-wiledaked-ulale, Bab-Jehováʼga doggus-nuedye be sogmala. Dulemarga-ibmar-gegerdaklemalad-imakdiid-ulale, Bab-Jehováʼga doggus-nuedye be sogmala.

¹⁶Ar yawagakmar-esgoro-gordikidgi-sobaled bibichisad, yawagak-edimalad-esgorobiid ubi-ubi imaksad.

¹⁷Anmar-dadgan Bab-Jehová-Igar-Sogsadba gwen ibmar-imaksasurmarsoggu, binsaed-satedyob gusmalad. Ibmar-isgana-imaked-ulale, wiledii gusmalad.

¹⁸Bela ibmar-gullemaladi ega aged ukdaed. Bato e-bergued-ibagan ese warmaksa itosgusad.

¹⁹Geb surbinsa-itogusmaladba Bab-Jehováʼse gochamalad. Geb Bab-Jehová, e-wiledimaladgi bendaknonikid.

²⁰Bab-Dummad na e-sunmakedba dulemar-nudaksad, deyobi, burgwedgi bendaksad.

²¹Dule-nue-wiledaked-ulale, Bab-Jehováʼga doggus-nuedye be sogmala. Dulemarga-ibmar-gegerdaklemalad-imakdiid-ulale, Bab-Jehováʼga doggus-nuedye be sogmala.

²²Bab-Jehováʼga doggus-nuedye-sogleged-ibmar-ukleged be ukmala, weligwaledgi e-ibmar-imaksad be sogmala.

²³Dulemar muu-billi-dummaganba mani-amiegala, muu-billiba urgi nanadimalad.

²⁴Wemala, Bab-Jehová-e-ibmar-imaksad daksamalad. Muu-billi-wilasailadgi e-ibmar-gegerdaklemalad-imaksad daksamalad.

²⁵Bab-Dummad e-sunmakedba burwa binnasur ogochad, demardi bela-bela dunguded.

²⁶Urdi mogirmar-naidse nakwiddaed, muu-billi-wilaganse gannar aidenonidabalid. Ar dulemardi burgwe-itomaladba niga-argwatemalad.

²⁷Mummuyobi banamakdidii guarmalad. Aimukumamai guarmalad. E-ibmar-wisidi binsa-wismalad, gwen e-bendaksasulid.

²⁸Geb surbinsa-itogusmaladba Bab-Jehováʼse gochamalad, geb Bab-Jehová e-wile-itomaladgi bendaknonikid.

²⁹Bab-Dummad burwa-dummad bogidik imaksad, demar bipii imaksabalid.

³⁰Ar burwa-bogiledgua, dulemar yeer itosmalad. Deyobi, Bab-Jehová ur-naguedse dulemar-sesad.

³¹Dule-nue-wiledaked-ulale, Bab-Jehováʼga doggus-nuedye be sogmala. Dulemarga-ibmar-gegerdaklemalad-imakdiid-ulale, Bab-Jehováʼga doggus-nuedye be sogmala.

³²Bemar, dulemar-onmakbukwad-abargi, Bab-Jehová-e-nug odummomala. Girmar-dummagan-danar-bukwad-abargi, e-nug odummomala.

³³Bab-Dummadi, e-dulamar-ichakwadamalad-ular, diwarmar nega-dulesulidganga obinnisad, dianmar neg-dinnaganaga obinnisbalid.

³⁴Bab-Dummadi, e-dulamar-ichakwadamalad-ular, napa-gadi-ibmar-sanmakedi, napa-ichakwaga imaksad.

³⁵Bab-Dummad nega-dulesulidgan diimarga obinnisad, neg-dinnagwad dianmarga obinnisad.

³⁶Agi dulemar-uku-uku-itodimalad urbisad, geb we-dulemar megmalaga negmar sobsamalad.

³⁷Nainumargi ibmar-gwag digsamalad, uva-dubmar digsamarbalid. A-ibmardi ega bela-bela sanmaksad.

³⁸Bab-Dummad we-dulemargi nued-binsasad, e-dulamar mergudmalad, e-molimar merguega imaksabalid.

³⁹Ar e-dulemar icheleddibe, ibgwensur-imakleddibe, mesagwar-imaklebukwad-ular, deyob guoed. Sabsur-imaklebukwad-ular, nue-wilebukwad-ular, deyob guoed.

⁴⁰Bab-Dummad dulemar-nue-nug-nikamalad ibgwensur-daked, nega-dulesulidganba gaamakdii imaked.

⁴¹Ar Bab-Dummad, dule-wilegeddi na e-wilediidgi onoged. E-gwenadgan, sibad-wawaad-mergueyobi, bukidar-nika imaked.

⁴²Dule-nuegan weyob-ibmar-dakoedba weligwar itomaloed. Ar dule-isganamardi, bar-sunmakosurmalad.

⁴³Ar dule, binsaed-ibedile, we-ibmar gwagegi sedii guoed, Bab-Jehová-e-sabgued magar itogoed.