1I Yinni Gusunɔ siɑro win tɔn ɡeerun sɔ̃. Win durom mu rɑ n wɑ̃ɑwɑ sere kɑ bɑɑdommɑɔ.
2Be u yɑkiɑ, bu nùn siɑro. Be u wɔrɑ yibɛrɛbɑn nɔmɑn di, bu nùn tɔmɔ.
3Be u mɛnnɑmɑ tem kpuron di, bu nùn siɑro. Be u sokumɑ sɑɑ sɔ̃ɔ yɑri yeru ɡiɑn di, kɑ sɔ̃ɔ duu yeru ɡiɑn di, kɑ sɔ̃ɔ yɛ̃sɑn nɔm ɡeu ɡiɑn di, kɑ sɔ̃ɔ yɛ̃sɑn nɔm dwɑru ɡiɑn di, bu nùn wɔlle suo.
4Wee bɑ rɑɑ kɔ̃ɔre ɡbɑburɔ mi ɡɑ̃ɑnu ku rɑ kpi bɑ sirenɛ, bɑ ǹ wuu wɑ mi bɑ koo sinɑ.
5Gɔ̃ɔru kɑ nim nɔru ɡɑ bu ɡo. Mɑ bɑ wurure bɑ ǹ dɑm mɔ.
6Ben nɔni swɑ̃ɑ te sɔɔ, bɑ Yinni Gusunɔ nɔɔɡiru sue bɑ somiru kɑnɑ, mɑ u bu yɑrɑ nɔni swɑ̃ɑ ten di.
7U bu kpɑrɑ swɑɑ ɡeɑ sɔɔ bɑ kɑ turɑ mi bɑ koo sinɑ.
8Bu nùn siɑro win tɔn ɡeeru kɑ win sɔm mɑɑmɑɑkiɡinun sɔ̃ ni u rɑ ko tɔnun sɔ̃.
9Domi u wi nim nɔru ɡɑ mɔ̀ nim kɑ̃. Mɑ u wi ɡɔ̃ɔrɑ mɔ̀ debusiɑ.
10Gɑbu bɑ rɑɑ wɑ̃ɑ yɑm wɔ̃kuru sɔɔ sere ɡɔribun wɑ̃ɑ yerɔ bɑ yoru dimɔ, mɑ bɑ kɑ bu yɔni bɔkuɑ
11yèn sɔ̃ bɑ Yinni Gusunɔn ɡɑri yinɑ, mɑ bɑ wi, Wɔrukoon bwisi kɛ̃ru ɡɛmɑ.
12Mɑ u derɑ bɑ tii kɑwɑ wɑhɑlɑ yen sɔ̃. Mɑ bɑ wɔrukɑ bɑ ɡu, ɡoo kun bu somiru de.
13Adɑmɑ ben nɔni swɑ̃ɑ te sɔɔ, bɑ Yinni Gusunɔ nɔɔɡiru sue bɑ somiru kɑnɑ. Mɑ u bu yɑrɑ nɔni swɑ̃ɑ ten di.
14U bu yɑrɑ yɑm wɔ̃ku te, kɑ ɡɔribun wɑ̃ɑ yee ten min di, mɑ u ben yorun yɔni yi kusiɑ.
15Bu Yinni Gusunɔ siɑro win tɔn ɡeerun sɔ̃. Bu nùn siɑro win sɔm mɑɑmɑɑkiɡinun sɔ̃ ni u rɑ ko tɔnun sɔ̃.
16Domi u sii ɡɑndun ɡɑmbobɑ kɔsukɑ. Mɑ u kɔkɔrɔ sisuɡii bɔɔkɑ.
17Gɑri bɑkɑsu su tii kuɑ wɔnwɔndobu sin dɑɑ kɑ sin torɑnun sɔ̃.
18Bɑ ku rɑ mɑɑ dĩɑnu kɑ̃ mɑ bɑ ɡɔɔ turuku kuɑ.
19Ben nɔni swɑ̃ɑ te sɔɔ, bɑ Yinni Gusunɔ nɔɔɡiru sue bɑ somiru kɑnɑ. Mɑ u bu yɑrɑ nɔni swɑ̃ɑ ten di.
20Kɑ win ɡɑriyɑ u bu fɑɑbɑ kuɑ, mɑ u bu yɑrɑ wɔru bɔkɔ ɡen min di.
21Bu Yinni Gusunɔ siɑro win tɔn ɡeeru kɑ win sɔm mɑɑmɑɑkiɡinun sɔ̃ ni u rɑ ko tɔnun sɔ̃.
22Bu nùn siɑrɑbun yɑ̃kunu kuo. Kpɑ bu win sɔm mɑɑmɑɑkiɡii nin ɡɑri kpɑrɑ kɑ nuku dobu.
23Be bɑ ɡoo nimkusu duɑ, mɑ bɑ ben sɔmburu mɔ̀ si sɔɔ,
24bɑ Yinni Gusunɔn nɔmɑn sɔmɑ wɑ kɑ mɑɑ mɑɑmɑɑki ye u kuɑ nim wɔ̃ku sɔɔ.
25U ɡɑri ɡeruɑ, mɑ u derɑ woo bɔkɔ ɡɑ seewɑ ɡɑ nim kurenu seeyɑ.
26Nù n dɑ wɔllɔ, kpɑ nu sɑrɑmɑ. Be bɑ wɑ̃ɑ ɡoo nimkuu si sɔɔ, bɑ nɑnde kɑri yen sɔ̃.
27Tirerɑbu bu mwɑ, bɑ bɑ̃ɑrimɔ nɡe tɑm nɔrobu. Ben bwisi kpuro yi kpɑ.
28Ben nɔni swɑ̃ɑ te sɔɔ, bɑ Yinni Gusunɔ nɔɔɡiru sue bɑ somiru kɑnɑ. Mɑ u bu yɑrɑ nɔni swɑ̃ɑ ten di.
29U woo ɡunɑ ye yɔ̃rɑsiɑ, mɑ nim kurenu nu mɑri.
30Mɑ be kpuron nuki dorɑ ye u kɑ ye kpuro mɑrisiɑ. Mɑ Yinni Gusunɔ u bu kpɑrɑ u kɑ turɑ sere mi bɑ dɔɔ.
31Bu Yinni Gusunɔ siɑro win tɔn ɡeeru kɑ win sɔm mɑɑmɑɑkiɡinun sɔ̃ ni u rɑ ko tɔnun sɔ̃.
32Bu nùn wɔlle suo mi tɔmbɑ mɛnnɛ. Bu nùn siɑro ɡuro ɡurobun suunu sɔɔ.
33Yinni Gusunɔwɑ u rɑ dɑɑrun nim ɡberɑsie, kpɑ u bwiin nim kpeerɑsiɑ mɑm mɑm.
34Kpɑ u tem ɡem ɡɔsiɑ tem bɔruɡum mɛn tɔmbun nuku kɔ̃surun sɔ̃.
35Wi turowɑ u rɑ mi ɡɑ̃ɑnu ku rɑ kpi ɡɔsie nim bwee bɑkɑru. Kpɑ u tem ɡbebɑ ɡɔsiɑ nim bwii.
36Kpɑ u be bɑ ɡɔ̃ɔru bɑrɔ sinɑsiɑ mi, kpɑ bu wuu ko mi bɑ koo sinɑ,
37kpɑ bu resɛm dɑ̃nu duure mi, nu mɑ dɑbi dɑbiru.
38U rɑ bu domɑru kue bu dɑbiɑ. Kpɑ u ben yɑɑ sɑbenu kuurɑsiɑ.
39Adɑmɑ ɡɑbu bɑ dɑbiru kɑɑre bɑ wɑ̃ɑ sekuru sɔɔ yèn sɔ̃ bɑ yoru dimɔ bɑ nɔni sɔ̃ɔre.
40Mɑ Yinni Gusunɔ u derɑ bɑ ben wiruɡibu ɡɛmɑ, mɑ bɑ sirenɛ kɑm sɔɔ bɑ ǹ yɛ̃ mi bɑ dɔɔ.
41Adɑmɑ u rɑ sɑ̃ɑro yɑre win sɑ̃ɑrun di. Kpɑ u win bweseru dɑbiɑsiɑ nɡe sɑbe ɡɔ̃su.
42Gemɡibu bɑ̀ n nùn wɑ, bɑ rɑ yɛ̃ɛriwɑ. Kpɑ tɔn kɔ̃sobu bu nɔɔ mɑri.
43Wi u bwisi mɔ, u de u ɡɑri yi kpuro nɛnɛ kpɑ u ɡiɑ mɑ Yinni Gusunɔ u sɑ̃ɑwɑ duromɡii.
