1Anutuzi aki anonoc enârerâ jambuŋ‐nâpozejec, â ʒâŋe mai‐ticnezi tamae‐nârezejec.
2Eme mâreŋko hatage hohone tara fuazejec, â ŋicne ŋicne jaŋe bâbâpiaŋge hone taranʒepieŋ.
3Ŋicne ŋicne jaŋe, Anutu, go mumbiaŋgunʒepieŋ, ŋicguru ʒeŋgoma jaŋe mumbiaŋgunʒepieŋ.
4Ŋicne ŋicne jaŋe bubiaŋ manarâ ʒeri gae henʒepieŋ, goki ŋicguru dâŋjeŋic mutiŋnehuc mutaraekicte, â mâreŋko ŋicne ŋicne jowac‐jopaekicte.
5Ŋicne ŋicne jaŋe, Anutu, go mumbiaŋgunʒepieŋ, ŋicguru ʒeŋgoma jaŋe mumbiaŋgunʒepieŋ.
6Mâreŋzi babasawe‐ticnere fârine tahac‐nâpokac, Anutu‐nâŋec, Anutu eki jambuŋ‐nâpokac.
7Anutuzi jambuŋ‐nâpokacte mâreŋ qaŋeŋnao mâmâc sasawa e araŋ bacnenʒepieŋ.