1وٌ عَلَتَلَ تَنتُ، بَرِ مَ عَ قَن، عَ شَ شَنُنتٍيَ بُمَ عَبَدَن!
2عَلَتَلَ نَشَن شُن سَرَ، عَ نَشٍيٍ بَشِ عٍ يَشُييٍ يِ رَ،
3عَ نَشٍيٍ رَ مِنِشِ سِيٍ تَفِ سٌفٍتٍدٍ نُن سٌفٍفٌرٌدٍ مَبِرِ، عَ نَشٍيٍ قَشِ كٍلِقٍ كْولَ نُن بَا مَبِرِ، عٍ بِرِن شَ عَلَتَلَ تَنتُ.
4ندٍيٍ لْيشِ فبٍنفبٍرٍنيِ مَ، عٍ مُ سَبَتِدٍ يٌ تٌشِ.
5كَامّ نُن يٍ شْلِ نُ عٍ هَلَكِمَ، لِمَنِيَ نَشَ بَ عٍ يِ.
6عٍ تٌ عٍ دّ رَوَ عَلَتَلَ بّ عٍ شَ تْورّ كُي، عَ نَشَ عٍ قُلُن عٍ شَ حَشَنكَتّ مَ.
7عَ نَشَ عٍ رَحّرّ كِرَ تِنشِنشِ ندٍ شْن مَ، عَلَكٌ عٍ شَ يِرٍ قَنيِ تٌ عٍ سَبَتِمَ دّننَشّ.
8عٍ شَ عَلَتَلَ تَنتُ عَ شَ شَنُنتٍيَ شَ قٍ رَ، نُن عَ شَ كَابَنَكٌييٍ شَ قٍ رَ عَ نَشَن نَبَشِ عَدَ مَدِيٍ بّ،
9بَرِ مَ عَ يٍ شْلِ بَمَ مِشِيٍ مَ، عَ كَامّتْييٍ رَوَ سَمَ دٌنسٍ قَنيِيٍ رَ.
10ندٍيٍ نُ سَبَتِشِ دِ مِ كُي نُن قَشّ شَ نْي بُن مَ، فٍيلِ شْرْشْي كُي، يْلْنشْنيِ مَبَلَنشِ عٍ مَ.
11بَرِ مَ عٍ مُرُتَ نّ عَلَ شَ مَسٍنيِ شِلِ مَ، عٍ عَلَ شَ مَرَ سِ شْن.
12عَ نَشَ عٍ بْحّ مَقِيشّ تْورّ رَ. عٍ نَشَ دَفَلَن يّ، مِشِ يٌ مُ عٍ مَلِ.
13عٍ نَشَ مَرِفِ مَشَندِ نِمِسّ كُي، عَ نَشَ عٍ رَكِسِ عٍ شَ حَشَنكَتّ مَ.
14عَ نَشَ عٍ رَ مِنِ دِ مِ كُي نُن قَشّ شَ نْي بُنمَ، عَ نَشَ لُوتِيٍ بٌلٌن عٍ نُ شِرِشِ نَشٍيٍ رَ.
15عٍ شَ مَرِفِ بَتُ عَ شَ دُفُتّفّحَ شَ قٍ رَ، نُن عَ شَ وَلِ مَكَابَشِيٍ شَ قٍ رَ عَدَ مَدِيٍ بّ.
16بَرِ مَ عَ بَرَ وُرٍ نَادّيٍ وُرُ، عَ كٌندٌنيِيٍ كَنَ.
17شَشِلِتَرٍيٍ نُ بَرَ عٍ يّتّ سُشُ عٍ شَ مُرُتّ نُن عٍ شَ قٍ حَاشِيٍ رَ، عٍ لُ نِمِسّ كُي.
18دٌنسٍ بِرِن بَرَ نُ رَحَاشُ عٍ مَ، عٍ نُ قَ نَ قَشّ نَن دّءِ.
19عٍ شَ نَ شْرْرْي كُي، عٍ نَشَ عٍ شُي رَتٍ عَلَتَلَ مَ، عَ نَشَ عٍ رَكِسِ عٍ شَ شْرْرْي مَ.
20عَ نَشَ عَ شَ مَسٍنيِ رَ سَنبَ عٍ مَ، عَ عٍ رَيَلَن، عَ عٍ بَ عٍ شَ حَشَنكَتّ كُي.
21عٍ شَ مَرِفِ تَنتُ عَ شَ دُفُتّفّحَ نُن عَ شَ وَلِ مَكَابَشِيٍ شَ قٍ رَ عَدَ مَدِيٍ بّ.
22عٍ شَ سّرّشّيٍ بَ عَ شَ وَلِ قَنيِيٍ كٌلٌن قٍ رَ عَ بّ. عٍ مَن شَ عَ شَ وَلِ قَنيِيٍ عِقَلَ عٍ شُي عِتٍشِ رَ سّيوّ كُي!
23نَشٍيٍ نُ بِيَاسِمَ كُنكُي شُنفبٍيٍ كُي بَا مَ، عٍ مَن نُ يُلّيَ رَبَ يٍيٍ شُن مَ،
24نٍيٍ بَرَ مَرِفِ وَلِ قْشِيٍ نُن عَ شَ وَلِ مَكَابَشِيٍ تٌ بَا مَ.
25عَ نَشَ مَسٍنيِ تِ، تُرُننَادّ قٌيٍ نَشَ كٍلِ عَ مْرْنيِيٍ رَ مَشَ،
26عَ نُ بِيَاسِلَيٍ شَ كُنكُي عِتٍ عَ نُ عَ سِن، عٍ نُ نَ حَشَنكَتّ كُي.
27عٍ شُن نَشَ مَفِ عَ رَ عٍ نَشَ لُ عَلْ سِيسِلَيٍ. عٍ شَ شَشِلِمَيَ بِرِن نَشَ لُ عٍ مَ قُ.
28عٍ شَ نِمِسّ كُي عٍ نَشَ مَرِفِ شِلِ عٍ شُي عِتٍشِ رَ، عَ نَشَ عٍ رَتَنفَ نَ فبَلٌي مَ.
29عَ نَشَ تُرُننَادّ قٌيٍ عِتِ، عَ عَ مَسَبَرِ، مْرْنيِيٍ نَشَ عٍ رَشَرَ.
30عٍ نَشَ سّيوَ نٍيٍ شَ مَرَشَرّ رَ، عَ نَشَ عٍ شُنتِ عٍ وَشْندٍ رَ.
31عٍ شَ مَرِفِ تَنتُ عَ شَ دُفُتّفّحَ نُن عَ وَلِ مَكَابَشِيٍ شَ قٍ رَ عَدَ مَدِيٍ بّ!
32عٍ شَ عَ شَ قٍ فبٌ حَمَ بّ، عٍ شَ عَ مَتْشْ قٌرِيٍ شَ مَلَنيِ!
33عَ شُرٍ شُنفبٍيٍ مَسَرَ مَ فبٍنفبٍرٍنيِ رَ، عَ دُلٌنيِ قِندِ بْشِ مَشَرٍ رَ.
34عَ بْشِ قَنيِ قِندِ مَ قْشْي يِرٍ رَ، نَ بْشِكَيٍ شَ قٍ حَاشِ شَ قٍ رَ.
35عَ فبٍنفبٍرٍنيِ قِندِ مَ شُرٍ رَ عَ يِرٍ مَشَرٍ قِندِ شُرٍ فُلِ رَ،
36عَ كَامّتْييٍ رَ سَبَتِ نَا، عٍ تَا تِ نَا عٍ سَبَتِدٍ.
37عٍ شّ سَمَ، عٍ وُرِ بِلِيٍ سِمَ نَشٍيٍ بٌفِ بَرَكَمَ.
38عَ دُبَمَ عٍ بّ، عٍ وُيَ، عَ مُ سٍسٍ بَمَ عٍ شَ شُرُ سٍ كْنتِ رَ.
39ندٍيٍ فبٍيٍ شُرُنمَ، تْورّ نُن حَشَنكَتّ رَ.
40عَ مَرَحَاشُي دُ سُمَ قٌرِيٍ شُن نَ، عَ عٍ رَلْي فبٍنفبٍرٍنيِ مَ كِرَيٍ مُ دّننَشّ مَ،
41عَ مِسِكِينّيٍ بَمَ تْورّ كُي، عَ عٍ شَ دٍنبَيَيٍ رَوُيَ عَلْ شُرُ سٍيٍ.
42مِشِ تِنشِنشِيٍ نَ تٌمَ عٍ حّلّشِنمَ عَ رَ، كْنْ تِنشِنتَرٍيٍ بِرِن دّ بَلَنمَ نّ.
43شَشِلِمَ نَشَن نَ، عَ شَ عَ حْشْ سَ يِ قٍ بِرِن شْنمَ، عَ شَ مَرِفِ شَ دُفُتّفّحَ قَهَامُ.
