Kɑncɑɑlɑɣɑ 10

1

2

3

4

5

6

7

8

9

10

11

12

¹Nowee piyɑ Sem nɑ Kɑm nɑ Yɛfɛtɛ pɑ lʋlɑ piyɑ mpɑɣɑ lʋm wɑɑsʋɣʋ wɑɑlɩ tɔ pɑ hǝlɑ ntɔ.

²Yɛfɛtɛ ɩ́lɛ́ ɩ́ piyɑ ntɔ. Komɛɛ, nɑ Mɑkɔkɩ, nɑ Mɑtɑyi, nɑ Yɑfɑŋ, nɑ Tupɑɑlɩ, nɑ Mesɛkɩ, nɑ Tilɑɑ.

³Komɛɛ ɩ́lɛ́ ɩ́ piyɑ ntɛ́ Asǝkǝnɑɑsɩ, nɑ Lifɑ, nɑ Tokɑɑmɑ.

⁴Yɑfɑŋ piyɑ ntɛ́, Ɩlisɑ, nɑ Tɑɑsɩ, nɑ Kitim, nɑ Lutɑnim.

⁵Mpɛ ɩnɩ pɑ hukinɑ tɛtʋ nti lʋm cɔɔnɑɑ tɔ tǝ tɑɑ ɩsɩɩ tǝ nɑɑkʋɣʋ-wɛ nɑ pɑɑ wei nɑ ɩ nsǝmlɛ nɑ ɩ lʋlʋɣʋ tɔ.

⁶Kɑm ɩ́lɛ́ ɩ́ piyɑ ntɛ́ Kusi, nɑ Misilɑyim, nɑ Puti nɑ Kɑnɑɑŋ.

⁷Kusi piyɑ ntɛ́ Sepɑ, nɑ Hɑfilɑ, nɑ Sɑpǝtɑ, nɑ Lɑkǝmɑ, nɑ Sɑpǝtekɑ. Lɑkǝmɑ piyɑ ntɛ́, Sɑpɑɑ, nɑ Tetɑŋ.

⁸Kusi lʋlǝnɑ tɔtɔɣɔ Nimloti, ɩnɩ ɩ cɑɑlǝnɑ tɛtʋnɑɑ kɛ tɔɣɔʋ.

⁹Tɑcɑɑ sǝnɑ-ɩ kɛ́ nɑ ɩ́ pǝsɩ yɛllɑɑ tɑɑ yɛllʋ. Pǝ tɔɔ kɛ́ pɑ tukɑɣɑ ɩtuule kɛ wɑɑtʋ ɩnɩ sɩ: Tɑcɑɑ ɩ́ yele nɑ ń pǝsɩ yɛllɑɑ tɑɑ yɛllʋ ɩsɩɩ Nimloti.

¹⁰Acɑlɛɛ wenɑ ɑ tɔɔ Nimloti tɔɣɔ kɑwulɑɣɑ tɔɣɔlɛ Pɑpɛɛlɩ, nɑ Ɩlɛkɩ, nɑ Akɑtɩ, nɑ Kɑlǝne kɛ Pɑpiloni tɛtʋ tɑɑ.

¹¹Tɛtʋ ntɩ tǝ tɑɑ kɛ́ ɩ lɩɩwɑ nɑ ɩ́ polo Asilii nɑ ɩ́ ŋmɑ́ Ninifi, nɑ Lehopoti-Hiili, nɑ Kelɑ,

¹²nɑ Lɛsɑŋ kɛ Ninifi nɑ Kelɑ ɩcɑtɛ sɔsɔɔlɛ pɑ hɛkʋ.

¹³Misilɑyim nɑ́ lʋlǝnɑ ntɛɣɛ Lutɩ nyǝ́mɑ, nɑ Anem nyǝ́mɑ, nɑ Lehɑpɩ nyǝ́mɑ, nɑ Nɑfutu nyǝ́mɑ,

¹⁴nɑ Pɑtǝlɔsɩ nyǝ́mɑ, nɑ Kɑsulu nyǝ́mɑ, nɑ Kɑfǝtɔɔ nyǝ́mɑ. Tǝnɑɣɑ Filiisi nyǝ́mɑ nɑ́ lɩɩwɑ.

¹⁵Kɑnɑɑŋ ɩ́lɛ́ ɩ́ kɑncɑɑlɑɣɑ pǝyɑɣɑ ntɛ́ Sitɔŋ nɑ nɑɑlɛ nyǝŋ ntɛ́ Hɛtɩ,

¹⁶nɑ ɩ lʋlʋɣʋ nyǝ́mɑ tɔtɔɣɔlɛ Yepusi nyǝ́mɑ, nɑ Amolii nyǝ́mɑ, nɑ Kilikɑsɩ nyǝ́mɑ,

¹⁷nɑ Hifi nyǝ́mɑ, nɑ Alǝki nyǝ́mɑ nɑ Sini nyǝ́mɑ,

¹⁸nɑ Alǝfɑtɩ nyǝ́mɑ, nɑ Semɑlii nyǝ́mɑ, nɑ Hɑmɑtɩ nyǝ́mɑ. Pǝ wɑɑlɩ kɛ́ Kɑnɑɑŋ lʋlʋŋ nyǝ́mɑ nɑ́ yɑwɑ.

¹⁹Nɑ pɑ tɛtʋ toosi ntɛ́ pǝ kpɑɣɑʋ Sitɔŋ kɛ Keelɑɑ kɔŋkɔŋ tɑɑ nɑ pǝ́ polo Sɔtɔm nɑ Kɔmɔɔ nɑ Atǝmɑ nɑ Sepoyim hɑlǝnɑ Lesɑ.

²⁰Kɑm ɩnɩ ɩ piyɑ ntɛ́, nɑ pǝ́ kɛɛsǝnɑ ɩsɩɩ pɑ lʋlʋŋ nɑ pɑ nsǝmɑ nɑ pɑ tɛtʋ nɑ pɑ piitimnɑɑ.

²¹Yɛfɛtɛ pɑ tɑɑlʋ Sem ɩ́lɛ́ ɩ lʋlɑ piyɑ tɔtɔ nɑ kʋlʋm ɩnǝɣǝlɛ Ɩpɛɛ nɑ ɩ lʋlʋŋ nyǝ́mɑ cɑɑ.

²²Ɩ piyɑ mpɛɣɛlɛ Ɩlɑm, nɑ Asuu, nɑ Alǝpɑsɑtɩ, nɑ Lutɩ, nɑ Alɑm.

²³Alɑm ɩ́lɛ́ ɩ́ piyɑ ntɛ, Usi, nɑ Huuli, nɑ Ketɛɛ, nɑ Mɑcɩ.

²⁴Alǝpɑsɑtɩ nɑ́ lʋlɑ Selɑ nɑ ɩ́lɛ́ ɩ lʋlɩ Ɩpɛɛ.

²⁵Ɩpɛɛ nɑ́ lʋlɑ piyɑ nɑɑlɛɣɛ, kɑncɑɑlɑɣɑ nyǝŋkɑ hǝtɛ ntɛ́ Pelɛkɩ, yɑʋ kɛ pɑ yɑɑ mpʋ nɑ pɑ tɛ́ tɑɑ. Mpi tɔ, wɑɑtʋ ɩnǝɣɩ ɑntulinyɑ piitimnɑɑ yɑwɑ. Ɩ́lɛ́ ɩ́ neu hǝtɛ ntɛ́ Yɔkǝtɑŋ.

²⁶Yɔkǝtɑŋ nɑ́ lʋlǝnɑ Alǝmotɑtɩ, nɑ Selɛfɩ, nɑ Hɑsɑmɑfɛtɩ, nɑ Yelɑ,

²⁷nɑ Hɑtolɑm, nɑ Wusɑɑlɩ, nɑ Tikǝlɑ,

²⁸nɑ Opɑlɩ, nɑ Apimɑyɛlɩ, nɑ Sɑpɑ,

²⁹nɑ Ofii, nɑ Hɑfilɑ, nɑ Yopɑpɩ. Yɔkǝtɑŋ piyɑ ntɛ́ pɑ tǝnɑɣɑ mpʋ.

³⁰Pɑ tǝcɑɣɑlɛ ntɛ́ pǝ kpɑɣɑʋ Mesɑ nɑ pulɑsɩ hɔɣɔlʋɣʋ ŋku pɑ yɑɑ sɩ Sefɑɑ tɔ nɑ ilim tǝlɩɩlɛ tɔɔ.

³¹Sem ɩnɩ ɩ piyɑ ntɛ́ nɑ pǝ́ kɛɛsǝnɑ pɑ lʋlʋŋ nɑ pɑ nsǝmɑ nɑ pɑ tɛtʋ nɑ pɑ piitimnɑɑ.

³²Nowee piyɑ lʋlʋŋ ntɛ́ nɑ pǝ́ kɛɛsǝnɑ pɑ lʋlʋŋ loosi, nɑ pɑ piitim nɑ mpɛ ɩnɩ pɑ tɑɑ kɛ́ piitimnɑɑ lɩɩwɑ nɑ pɑ́ yɑ́ ɑntulinyɑ tɑɑ kɛ́ lʋm wɑɑ́sʋɣʋ wɑɑlɩ.