APOSETOLO EDIA KARA 26:24-32

²⁴Ia na unu e haere toma, bena Festo e lolo, eto, Paulo e, oi na o kavamu; emu aonega badana ese lalomu vada e hakavaia.

²⁵A Paulo na e haere, eto, Namo-herea taumu Festo e, lau na dia kava; momokani bona lalo-parara herevadia na gwauraimu.

²⁶Badina be Ḡaubada danu ini mai goadagu ida na gwaurai heniamu ḡaudia na dibana. Vada name diba ini ḡau ta ienai se hehunimu, badina be ina ḡau na dia daiguni ai asie karaia.

²⁷King Agripa e, peroveta taudia edia hereva o abi daemu a? Vada dibagu o abi daemu.

²⁸Bena Agripa ese Paulo e hamaoroa, eto, Lalogu o aniamu, mokona Keriso ibadinana tauna ai o halaogumu.

²⁹Paulo eto, Dirava vairanai egu ura binai: dia mokona lalomu basinama ania to bama ania momokani; bona dia oi mo, to hari dina ai e hakala henigumu taudia iboudiai; lau ihaḡoigu ai boma lao, a dia iḡui ai.

³⁰Bena hari Ḡaubada bona Gavana bona Berenike, bona idia ida e helaiva taudia iboudiai, e tore isi,

³¹e raka lasi, e hereva heheni, eto, Ina tau be mase karana ta eiava iḡuina karana ta se karaia.

³²Agripa danu Festo e hamaoroa, eto, Kaisara ladana basinema hatoa, baitama ruhaia nege.