HECHOS 26:24-32

²⁴Ic oquihto in Pablo inin tlahtoli tlen ic mopalehuis, in Festo otzahtzitehuac: ―¡Tiloco Pablo! Ic tequin timomachtihtoc hasta tiloco otimocuep.

²⁵Huan Pablo oquinanquilic: ―Ahmo niloco, tehhuatzin in Festo. Nochin tlen niquihtohua tlamelajcan.

²⁶Nicanca in hueyixtoc Agripa. Yehhuatzin moyequixmati inin tlahtoli. Huan ic inon nitlahtohua ahmo ica pinaucayotl teixpa yehhuatzin. Nicmati yec nele yehhuatl noyojqui momati nochin inin tlahtoli, tleca ahmo timonohnotzahque ica tlahtolten san ichtaca.

²⁷¿Tlen cox, hueyixtoc Agripa, ahmo moneltoca tehhuatzin in tlen oquihtohque in tlayolchicaucamen? Neh nicmati quen moneltoca.

²⁸Huan in hueyixtoc Agripa oquiluic: ―Ic oc chihton tinechyolcuepani ic nimochihuani nitlaneltocani.

²⁹Oncan Pablo oquihto: ―Maye chihton noso miyac, Yehhuatzin in Dios momati. Nicnequi ahmo san tehhuatzin, in tlahmo noyojqui nochten in aquin axan tlacacticaten, mamochihuacan quen nehhuatl, huan ahmo ica inin cadenas.

³⁰Satepa quen Pablo oquihto inin, omoquetzque in hueyixtoc Agripa huan in hueyixtoc Festo inuan in Berenice huan nochten aquin ompa oyehuatoyahque.

³¹Huan omoxelohque ic omononotzque inon tlahtoli. Huan oquihtohque sequin de yehhuan: ―Inin tlacatl ahmo tlen quichiutoc ic maquimictican, niyan ic matzacto ipan in telpiloyan.

³²Huan in hueyixtoc Agripa oquiluic in Festo: ―Cuali ticahuanihque inin tlacatl in tlahmo san yehhuatl oquitlahtlan maquixcomaca in hueyixtoc Augusto César.