Hechos 26:24-32

²⁴Nu gorna lee Pab sbaa nzhé, zee lee Festo mkeb dub gan nu nzhé: —¡Nzhak naxen yek lu Pab! Tant nseed lu zee tira ngok naxen lu.

²⁵Per lee Pab mkeb lo Festo nzhé: —Nanzhak naxent na; nel wli na re kwaan nii na.

²⁶Kwaanzee lee rey Agripa nzo nee, lee xaa ne wli rese kwaan nii na, kwaanzee nanzhebt na kawdizhno na xaa. Nu ne wen na lee xaa ne rese kwaan kaza na kwent, nel nakazat na kwent tub kwaan ngok xlaan, tub kwaan nyent cho xaa ne.

²⁷Rey Agripa, ¿che nle lu krer re kwaan ngunii re xaa mzaa kwent kwaan nzhé Dios lo lee xaa yilo? Na ne nle lu krera.

²⁸Zee lee rey Agripa nzhé lo Pab: —Nebse kwaan lak lan wdizh ne nzhekla lu ngle lu na tub xaa Jesús.

²⁹Pab nzhé: —Nexa ped lakse lana o zyena, chelee Dios nzhekla nanakta techosa lu sinka noka re xaa mbin kwaan ngunii na nalzhe wii lo Jesucrist kwenta na, nixa nakadoot xaa kwaan kaden snee kwenta na.

³⁰Zee nguxso rey Agripa kwaan sa xaa Berenice, nu noka Festo, kwaan rese xaa nzhi baa.

³¹Nu mroo xaa baa nu nzhedizh re xaa lo wechxinn xaa: —Nik tub kwaan namlet xaabyi ne zee nzhaal yet xaa, nu nixa lozhyib nanzhaalt yo xaa.

³²Lee rey Agripa nzhé lo Festo: —Nzho mod ngzela lu xaabyi ne, chol lee xaa nangnaabt xaa zee César naab kwent lo xaa.