Apostolo 26:24-32

²⁴Pauloꞌe ꞌouge raeꞌenogano, Festoꞌa ḡoere ḡihauꞌenaꞌa, “Paulo! Ḡa baboraneha. Ḡa ufeta mirihiroteꞌeꞌa mae baboꞌeha.” rae reiro.

²⁵Rehano Pauloꞌa naenaeninaꞌa, “Ḡihiꞌa vazeḡa Festo, eꞌe mene baboraneha. Eḡeꞌa raꞌeteꞌe ḡoeꞌaꞌe ḡoere huga zu edaꞌeḡa.

²⁶Kini Agripa ani, ꞌadi haḡaiḡa niduꞌa edeḡa ꞌahine, eꞌe mene rihauꞌenaꞌa huga niꞌohe. Mazaḡa e edeḡa kini Agripaꞌe haḡai ꞌadi niduꞌa igi hauḡiro, mazaḡa eꞌe haḡaiḡaꞌe guniꞌano mene fureraro.

²⁷Kini Agripa, ḡa peroveta azaḡa ḡoere mae ḡihineꞌe hehe? E edeḡa, ḡa mae ḡihineꞌohe.”

²⁸Ebu Agripaꞌa Paulo ninaꞌa, “Ḡa mada futuꞌano ḡoere tahiḡa rae furenadu, eḡeꞌa Kristenio tiroꞌi raꞌe rehano, aꞌe mene idaḡa.”

²⁹Pauloꞌa naenaeninaꞌa, “Mada futuꞌa ga faḡaꞌe ago zamaroꞌi! Mazaḡa e Badiꞌa mazao ꞌahige kurauꞌohe, ḡae zu ꞌada igiꞌeteꞌe azaḡa niduꞌa eḡe teigoga, rehano ḡuꞌano ohoheꞌetaꞌaꞌe ahiḡa.”

³⁰Ebu kini Agripa, gavana vazeḡa Festo, zu Berenike ebu eꞌea ehorinuteꞌe azaḡa niduꞌa iḡune edaro.

³¹Ze nuꞌonuꞌo neḡanonoꞌo buauꞌenaꞌa ḡoretitiro, raenaꞌa, “Vaze ꞌadiꞌe runeo tuḡuniꞌuma ga ḡuꞌano ohoniꞌuma haḡaiḡa sauꞌa mene haḡairo.”

³²Ebu Agripaꞌa Festo niro, raenaꞌa, “Roma zuhiꞌaḡaniꞌa kotanoga mene uratifone, vaze ꞌadiꞌe ḡuꞌanonoꞌo mae bunifo.”