Golle Nelaaɓe 26:24-32

²⁴Nde Pool haalata ɗum ndee, Festus jahii jahaango manngo, wii: —Pool, a haanɗii! Heewgol maa anndal ngol haanɗinii ma!

²⁵Pool jaabii, wii: —Tedduɗo, mi haanɗaali. Ko kaalan-mi koo yo haalaaji goonɗuɗi, jogiiɗi maanaa.

²⁶Agirippa kaananke oo ana anndi kuɗɗe ɗee. Ɗum waɗi so miɗo hoolii haalde ɗum yeeso makko. Sabi miɗo taƴori fay huunde ɲooɓanaali mo hen, sabi ɗum waɗaali e cuucuukka.

²⁷Kaananke! Aɗa goonɗini annabaaɓe naa? Miɗo anndi aɗa goonɗini!

²⁸Agirippa wii Pool: —Seeɗa tan haɗete waɗude kam neɗɗo Iisaa.

²⁹Pool jaabii, wii: —Yaawi taaɗi fuu, mi ɲaagoto Laamɗo faa aan e hettintooɓe kam jooni ɓee fuu laato-ɗon ko ngon-mi koo, tawee ɓoggol e calali ngalaa e mon.

³⁰Kaananke oo e goforneer oo e Barniki e jooddinooɓe e muuɗum'en ɓee fuu immii.

³¹Nde ɓe njalti suudu nduu ndee, eɓe mbiyondira: —O waɗaali ko haani warde mo naa ko haani uddude mo kasu.

³²Agirippa wii Festus: —Omo waawnoo yoppiteede so o wiyaalino sariya makko ɓettinee naɓee to kaananke Roma mawɗo oo.