Yosuwe 23:5-12

⁵Kanu Kəpɔŋ kəndewɛnəs afum aka tɔf yayɔkɔ, kɔ nənde nəc-lɔtəs yi-ɛ, nəndendɛ ntɔf yayɔkɔ pəmɔ tɔkɔ nkɔn Kanu Kəpɔŋ Kanu konu kənasɔŋ un temer ta ti mɔ.

⁶Nəwurɛ fənɔntər, nəsumpər nəleləs moloku mmɛ acicəs buk ba sariyɛ sa Musa mɔ, ta nəgbaymɛ kəca kəmeriya, ta nəgbaymɛ kəca kətɔt,

⁷ta nədenɔŋkəlɛnɛ afum a tɔf akakɔ ŋayi nu dacɔ mɔ! Ta nəboŋc canu cəŋan, ta nəkornɛ ci kədɛrəm. Ta nəkor-koru ci, ta nətontnɛ ci fɔr kiriŋ!

⁸Mba nəsumpər Kanu Kəpɔŋ Kanu konu pəmɔ tɔkɔ nənalɛk ti kəyɔ haŋ mɔkɔ mɔ.

⁹Kanu Kəpɔŋ kəmbaŋər tɔf yɔpɔŋ aka fənɔntər, ali fum ɛntatam fɛ haŋ mɔkɔ kəcəmɛ konu fɔr kiriŋ.

¹⁰Nəna fum wəkin gboŋ ɛŋc-bɛləs aterɛnɛ anu pɛcəp pin, bawo Kanu Kəpɔŋ Kanu konu kəŋc-sutnɛn' on, pəmɔ tɔkɔ kənalok' un mɔ.

¹¹Nəkɛmbərnɛ nəbɔtər Kanu Kəpɔŋ Kanu konu!

¹²Kɔ nəlukus Kanu Kəpɔŋ darəŋ-ɛ, kɔ nəcəmɛ afum acuru aŋɛ ŋayi nu dacɔ mɔ darəŋ-ɛ, kɔ nənɛŋcɛnɛ-ɛ, kɔ nənɔŋkəlɛnɛ-ɛ,