Josue 23:5-12

⁵Awni et mismo ay si Yahweh ay Diyos yo di mangipakaan en daida sin domatngan yo et okaen yo din daga da ay kaman din inkari na.

⁶“Isonga esten yo ay mangonod sin am-in ay linaon din libro ay naisolatan di linteg Moses. Adi kayo masangsangaw si olay at-atik.

⁷Adi kayo makikadkadwa sin nabay-an ay ipogaw ay makiili en dakayo. Ilaen yo abe ta adi kayo mankarkararag sin diyos da ono os-osalen din ngadan di diyos da ay mansapata. Adi kayo mandokmog ay mandayaw en daida,

⁸mo adi et ipapasnek yo ay mantalek ya mansilbi en Diyos ay kaman san inyaat yo enggana ed wani.

⁹“Nemnemen yo ay pinakaan Diyos din dadakke ya napipigsa ay nasyon ay dinatngan yo, et enggana ed wani, maga di nakabael ay nangabak en dakayo.

¹⁰Olay es-esa en dakayo yan kabaelana ay ipalayaw di sinlibo, tan si Yahweh ay Diyos tako di makigobgobat para en dakayo ay kaman din inkari na.

¹¹Isonga mo banolen yon biyag yo, ilaen yo ta ipapasnek yo ay manglaylayad en sisya.

¹²“Tan mo dokogan yo si Yahweh ay Diyos tako ya makikadwa kayo sin nabay-an ay man-ili isna ya makiasawa kayo en daida,