IOSUA 23:5-12

⁵Lohiabada, emui Dirava, ese unai do noho bese taudia do ia doria lao, bona emui vairana dekena amo do ia luludia ore. Unai neganai edia tano do umui abia, Lohiabada emui Dirava ese umui dekenai ia gwauhamata hegeregerena.

⁶“Unai dainai Mose ena Taravatu Buka lalonai idia torea hereva ibounai do umui badinaia, idia dekena amo do umui raka siri lasi, idiba kahana dekenai, o lauri kahana dekenai.

⁷Inai bese haida, emui huanai do noho, be idia danu do umui turana karaia lasi. Idia edia dirava edia ladana do umui gwauraia lasi, bona edia ladana dekenai do umui gwauhamata lasi. Edia hesiai gaukara do umui karaia lasi, bona idia dekenai do umui tomadiho lasi.

⁸To Lohiabada, emui Dirava, do umui badinaia, gunaguna ia mai bona harihari umui badinaia hegeregerena.

⁹“Badina be Lohiabada ese bese badadia bona goadadia be emui vairana dekena amo ia lulua ore vadaeni. Tau ta ese umui ia koua diba lasi, ia mai bona hari dina.

¹⁰Umui ta ese taunimanima 1000 umui lulua diba, badina be Lohiabada, emui Dirava ese umui dainai ia tuari, umui dekenai ia gwauhamata hegeregerena.

¹¹“Unai dainai, do umui naria namonamo, Lohiabada, emui Dirava do umui lalokau henia.

¹²Badina be bema Lohiabada dekena amo umui raka siri, bona inai idau bese taudia, emui huanai do noho taudia danu bema umui turana karaia, bona idia danu umui headava neganai,