IOSUA 23:5-12

⁵Iehova, emui Dirava, ese baine doridia lao, vairamui ai baine luludia lasi; edia tano do bavabia, Iehova, emui Dirava, ese e gwau henimui hamata heḡereḡerena.

⁶Taunabunai ba haheauka, Mose ena taravatu bukana ai e tore herevadia iboudiai ba badinadia; iena amo basio raka siri, idiba kahana ai eiava lauri kahana ai.

⁷Ini bese haida, doini bogaragimui ai e nohomu, ida basio hetura; edia dirava ladadia basio hato, Iadadia ai basio gwau hamata, isiaidia basio Iao heni, bona basio toma henidia diho.

⁸A Iehova, emui Dirava, ba badinaia, gunaguna ema bona harihari vada o badinaia hegereḡerena.

⁹Badina be Iehova ese bese badadia bona goadadia na umui vairamui ai vada e luludia lasi: tau ta ese se laomui ahu diba, ema bona hari dina ai.

¹⁰Umui ta ese daha ta iluludia mai dibana; badina be Iehova, emui Dirava, ese umui daimui ai e tuarimu, e gwau henimui hamata heḡereḡerena.

¹¹Taunabunai, nahuamui ba toho; Iehova, emui Dirava, ba lalokau henia.

¹²Badina be boma raka muri, ini bese kwabukwabudia doini bogaragimui ai e nohomu ida boma hetura, edia ulato boma adavadia, bona emui ulato boma henidia bae adavadia,