Iosua 23:5-12

⁵E BAKOVI DAGI a Vure ne hita ge lili tala e huriki a pile, ge rata ria ri gi ha ne mua, bara mu bole a malala ne ria i manga a ngava i ta muholi vona.

⁶“I mavonga, mu matadoko kamumu, mu ramai a ngava lobo na puhu na vinara ne Moses. Naha ni longotaroa tara nitana.

⁷Naha ni laho turana e huriki a bakovi a ngatavine o Kenan, ra ri tababana ni made turane mua, naha ni gale a rana a maka vure ne ria. Na tahuna mu kaba, naha ni kaba vona a maka rana vure ne ria. Naha ni turume mu gu kavurike ria.

⁸Mu madoko turane BAKOVI DAGI a Vure ne mua, mu ramaia, i manga a hini mu rata i valai i harena mona.

⁹“E BAKOVI DAGI i lili tala pali a maka kabu dagi ri gao hateka, i uka tara ne ria ge pesi tora ge gege mua.

¹⁰A bakovi tara ne mua i kara ni vakamangenge a bakovi i ala rangale (1,000) ne ria, bara ri ha, a vuhuna e BAKOVI DAGI a Vure ne hita i tuhori mua na vabinga i vaubi polo ne mua, i manga a hini i ta muholi vona hosi ge rata.

¹¹“Ngane mu matadoko vona a narone mua. Mu ngaru hateka e BAKOVI DAGI a Vure ne hita.

¹²Pali mua bara mu ngalahere ne BAKOVI DAGI, mu madoko turane huriki a bakovi a ngatavine ri made muga koea ri tababana turane mua, mu parangi ne ria,