Yontu 86:1-7

¹Sələmʋɣʋ ŋku kʋ wɛ Tɑfiiti yontu tɑkəlɑɣɑ tɑɑ tɔ. Hɑɩ, Tɑcɑɑ ke ŋkpɑŋʋɣʋ nɑ mɑ tɔɔ nɑ ń cɔ-m. Mpi tɔ, mɑ kɛ́ kʋnyɔntʋ kɛ́ nɑ wɑhɑlɑ tʋ.

²Mɑ kɛ́ kʋpɑŋ kɛ́, kenti mɑ tɔɔ. Mɑ Ɩsɔ, mɑ kɛ́ nyɑ́ təmlɛ tʋ kɛ́, mɑ pɛtɑ-ŋ mɑ tɩ, wɑɑsɩ-m.

³Tɑcɑɑ nyənɩ mɑ pətɔɔtəlɛ. Nyɑɣɑ mɑ wiikinɑ pɑɑ ɩfemle nte.

⁴Nyɑ́ tɔɔ kɛ́ mɑ kɛɛsənɑɑ. Ɩlɛ hɛɛsɩ nyɑ́ təmlɛ tʋ mɑ, mɑ lɑŋlɛ.

⁵Tɑcɑɑ, n kɛ́ kʋpɑŋ kɛ́, nɑ ń hʋləɣɩ suulu. Nyɑ́ kʋpɑntʋ tɔɔwɑ mpɑ pɑ yɑɑkɩ-ŋ tɔ pɑ tɔɔ.

⁶Tɑcɑɑ ke ŋkpɑŋʋɣʋ nɑ mɑ kʋsələmʋtʋ nɩɩ mɑ wiinɑʋ.

⁷Mɑ yɑɑkɩ-ŋ mɑ lɑŋwɑkəllɛ kʋyɛɛŋ tɑɑ kɛ́. Mpi tɔ, n nɩɩkɩ mɑ nɔɣɔ.