SALMOS 86:1-7

¹TOTECO, ximohuijtzoma quentzi huan xinechtlacaquili quema nimomaijtohua. Xinechnanquili pampa niteicneltzi huan niitztoc ipan cuesoli huan tlaohuijcayotl.

²NoTeco Dios, xinechmanahui pampa na nijchihua campeca para nijchihuas tlen quiijtohuaj motlanahuatilhua. Xinechmaquixti pampa na nimitztequipanohua huan san ipan ta nimotemachía para tinechmocuitlahuis.

³TOTECO, xijpiya hueyi moyolo ica na pampa nochi se tonal nimitztzajtzilijtoc, huan ipan ta nimochiya para tinechpalehuis.

⁴Toteco, xinechmaca paquilistli pampa na san ta nimitzhueyichihua.

⁵Toteco, ta nelía ticuali huan timoquetztoc timocualtlalijtoc para titetlapojpolhuis. Tiquinicnelía huan nimantzi tiquintlasojtla nochi tlen mitztlajtlaníaj motlapalehuil.

⁶TOTECO, xinechtlacaquili quema nimomaijtohua. Quena, xinechtlacaquili quema nimitztzajtzilía.

⁷Nimitztzajtzilis ipan nopa tonali quema nechajsis tlaohuijcayotl, pampa san ta tinechnanquilía huan tinechpalehuía.