Yontu 5:3-12

³Nyɑɣɑlɛ mɑ wulɑʋ sɔsɔ nɑ mɑ Ɩsɔ. Nɩɩ mɑ yɑɑʋ nɑ mɑ wiinɑʋ kɛ

⁴tɑnɑŋ tɛɛ, hɑɩ Tɑcɑɑ. Pə nyɑɑləɣɩ tɔɣɔ mɑ kɛɛsəɣənɑ nyɑ́ tɔɔ nɑ mɑ tɑŋɑɑ.

⁵N tɑ kɛ Ɩsɔ wei ɩ lɑŋlɛ hɛɛkənɑ ɩsɑɣɑtʋ tɔ. Ɩsɑɣɑʋ ɩɩ hikiɣi lonte kɛ́ nyɑ́ tɛ.

⁶Nyɑ́ luɣu fɛɩ kɑlɑmpɑɑnɩ nyə́mɑ. Pəyele nn cɑɑkɩ mpɑ pɑ pɛɛkəɣɩ lɛlɑɑ nɑ ɩsɑɣɑtʋ tɔ.

⁷N kpiisiɣi kɑloolutʋnɑɑ kɛ́, nɑ nyɑ́ tɑɑ kpɑɑkənɑ yʋlʋkʋlɑɑ nɑ ŋmɩɩlɑɑ.

⁸Amɑ nyɑ́ kʋpɑntʋ sɔsɔɔntʋ tɔɔ mɑ pəsəɣɩ mɑ sʋʋ nyɑ́ tɛ́ nɑ sɔɣɔntʋ nɑ mɑ luŋ nyɑ́ təsɛɛlɛ ɩsɛntɑɑ.

⁹Tɑcɑɑ tiiki-m nyɑ́ tɑmpɑnɑ tɑɑ kɛ́ mɑ kolontunɑɑ tɔɔ, nɑ ń kpɑlɩ mpɑɑʋ nɑ mɑ́ təŋ.

¹⁰Pə fɛɩ sɩ yʋlʋ ɩ́ lɑ nɑɑni nɑ pɑ kʋyɔɣɔtʋtʋ. Wɑkəlʋɣʋ tike hʋwɛɛ hɑɣɑnɑ pɑ tɑɑ. Pɑ nɔɣɔ tɑɑ wɛ ɩsɩɩ pəlɑɑʋ ŋku kʋ kulɑɑ tɔ. Nɑ pɑ́ tʋsəɣɩ yəlɑɑ nɑ pɑ nsəmɑ.

¹¹Hɑɩ Ɩsɔ kʋ tɑsəkəlɛ nyəmɑ mpɛ pɑ tɔm nɑ ń yele nɑ pɑ mɑɣɑmɑɣɑ pɑ kɑtɔsɩ kpɑ-wɛ. Mpi tɔ, pɑ ɩsɑɣɑtʋ kəlɑ tɔɔʋ. Pəyele pɑ kʋləɣɩ nyɑ́ tɔɔ.

¹²Ɩlɛ mpɑ pɑ pɛtɑ-ŋ pɑ tɩ tɔ pɑ lɑŋɑ kɑ́ hɛɛ nɑ pɑ́ wɛɛ ḿpʋɣʋ tɑm nɑ ń kentiɣi pɑ tɔɔ nɑ nyɑ́ sɔɔllɑɑ yɔɔləɣənɑ-ŋ.