Kölfel 5:3-12

³Ai Samol mi Lapalap, ka rongorong mweliei lesosor, lesosorusich üa iotek ngonuk o witiwiti om kopwe pälüeniei.

⁴Pun en sap eman Kot mi sani mine a ngau, eman chon föföringau esap tongeni nonom reöm.

⁵Ekewe mi sikesik resap tongeni ü fän mesom, ka oput chokewe meinisin mi föföringau.

⁶Ka arosala chokewe meinisin mi kapas chofana. Ka oput chon niela aramas me chon atupu aramas.

⁷Nge ngang üpwe tolong lon imwom pokiten om we tong ellet mi lap o somwola. Üpwe fel ngonuk lon imwom we mi pin o chapetiu mwom fän menin.

⁸Ai Samol mi Lapalap, kopwe atufichiei pwe üpwe föri letipom, pun mi wor chon oputaei mi nenengeniei, kopwe aiti ngeniei mine üpwe föri.

⁹Chon oputaei ra apasa mine a chofana, leluker a chök ekiekin kata, ar kapas a motoutou, nge ra uren atuputup mi afeiengau.

¹⁰Ai Kot, kopwe ngeniir liwinin ar tipis. Repwe feiengau ren püsin ar raw. Kopwe pöütirela pokiten a chomong ar pupungau, pun ra ü gonuk.

¹¹Nge chokewe meinisin mi anomu ar apilükülük womw repwe meseik, repwe köl fän pwapwa fansoun meinisin. Kopwe peni chokewe mi echenuk, pwe repwe ingemwareituk.

¹²Pun en, ai Samol mi Lapalap, ka afeiöchü ekewe chon pwüng, ka pwölürela ren om ümöümöch usun chök eu tittin maun.