Psalms 5:3-12

³Yawe, ni turomola pempem aninga guranek ikisam; aninga aira nikate betesam ale koma ko angimik bita lagasam.

⁴Ni Kaem, ni munan memek ko me amilmilasam; kariimet memek alo mu ni kerak me bagamonko.

⁵Nunumi patawura ko kariimet alo mu ni kema te me bagamonko; mu awuk, kariimet memek betesan mu ni me nunga kuesam.

⁶Den nunguning me bala ko kariimet mu ni nunga maguwusam; ale nuguting gue ago mu se, kawel ko kariimet mu ni me ta nunga kuesam nunguningkiri.

⁷Bare ani nika gemang lila biya mu te se, nika kuwim laili ningi am tairikko; ani aimi karogo kapa se, angama ka temple laili mu tuek ale abugura kulukekko.

⁸Yawe, aninga kager kari alo suen biya anisan; buta se ni ka munan ningo diram mu te aga lage dingumur ale agarak namarko.

⁹Den nuguring te arataso mu am kawel la; nunga nongomang motam mu bo maguwura ko kiwem karogo terong mam. Nunga nodogotak nuguring mu kuera ko mutim iwitata; se nunga nungamili mu den kawel te balsan.

¹⁰Buta se Kaem, ni koma memek nungaruko! Nongota nunga ikia memek betesan umu nunga taliparuk se memek tamonko. Nunga memek suen biya mu koma ko nunga karoko, mu awuk, nuna ni kiring batagorman ko moke.

¹¹Bare kariimet nika kuesan ale ni nunga sangaruko kete taisan, mu ni nunga bitarsam, se nuna amilmilamon ale amilmil te wur ilu se lagamonko.

¹²Mu awuk, ni kariimet ningo diram mu marak nungarsam; Yawe, ni nunga kuesam, ale nunga karem iwita nunga kaluwusam.