Yontu 43:1-5

¹Hɑɩ, Ɩsɔ, sɛɛnɑ mɑ tɔɔ kɛ́ mpɑ pɑ tɑ nyɩ-ŋ tɔ pɑ tɔm tɑɑ, nɑ ń hɑ-m tɑmpɑnɑ. Yɑ-m pɔpɔtʋnɑɑ nɑ ɑsɑɣɑɑ niŋ tɑɑ.

²Nyɑɣɑlɛ mɑ kentulu, n kisiɣi-m suwe? N yelɑɑ nɑ pə́ nɩɩkɩ-m nɑ mɑ kolontunɑɑ ŋmɑkələɣɩ-m suwe?

³Hʋlɩ-m nyɑ́ nyɑɑləm nɑ nyɑ́ tɑmpɑnɑ nɑ ɑ́ ponɑ-m nyɑ́ təcɑɣɑlɛ kɛ nyɑ́ pʋɣʋ nɑŋŋ nyəŋkʋ tɔɔ.

⁴Ɩlɛ mɑɑ kpətənɑ nyɑ́ kɔtɑɣɑ təlɑtɛ tənɑ. Mpi tɔ, nyɑɣɑlɛ mɑ lɑŋhʋlʋmlɛ nɑ mɑ ɑyɔɔlɛɛ. Hɑɩ, mɑ Ɩsɔ mɑɑ sɛɛ-ŋ nɑ mɑ sɑŋkʋ.

⁵Pepe tɔɔ kɛ́ mɑ lɑŋlɛ wɑkələɣɩ mɑ tɩ tɔm tɔtɔ? Pə kəlɑ teu sɩ mɑ́ tɛɛlɩ mɑ Ɩsɔ nɑ mɑ́ tɑsɑ-ɩ sɑm tɔtɔ. Ɩnəɣəlɛ mɑ wɑɑsʋlʋ Ɩsɔ.