Psalms 43:1-5

¹Aga Kaem, kariimet nubiring ni kisiman ale kiwem memek se kawel te aga bita maguwusan umu, nuguting te aga bataguru toko.

²Ni Kaem, aninga yumura kuwim aora. Ni awuk se biring gurugu aisem? Awuk se kari memek aga maguwuman se iwitata ma niara te la bagasam?

³Nika nikim se nika bitua ningo mu te lage aga kasuru ale agarak nika bagara kuwim, ka duruk laili mu te agarak namarko.

⁴Se ani nika altar duap te namarik ale gita moa se ka nip patawurikko, mu awuk, ni aninga Kaem, ni angamang sangam tuem ale amilmil aisem se ani ni ko ko ninguru amilmilasam.

⁵Aninga angamang motam pa awuk se dagulam? Awuk se kumik lila mena? Bare aninga ikia, aninga loagara mu Kaem kote la bitirikko; se nu aninga sanguk se ani akingtala nup patawurikko; nu aninga Saonga Kari, se aninga Kaem.