1NoTeco Dios, techtlajtolsencahua xitlahuac huan xitenextili para amo tleno nijchijtoc. Techmanahui tlen ni istlacatica masehualme huan amo cuajcualme catli nechtelhuíaj.
2Pampa san ta tinoTeco huan tinoDios huan notlamanahuijca na. ¿Para tlen techtlahuelcajtoc? Nimotequipachojtinemi huan más nechtlaijiyohuiltíaj nocualancaitacahua, huan amo tleno tijchihua.
3Toteco Dios, techyacana ica motlahuil huan technextili catli melahuac. Quej nopa, quena, huelis nimocuepas motlal huan campa motepe catli tlatzejtzeloltic campa ta tiitztoc ipan mocaltiopa.
4Quena, noTeco Dios, nicalaquis huan niajsiti hasta motlaixpa campa masehualme mitzhueyichihuaj. Nepa nimitzpaquilismacas ica arpa, ta catli techmaca paquilistli, pampa ta tinoTeco Dios.
5San tlapic nimotequipachos. Na nimotemachijtoc ipan ta, noTeco Dios, huan sempa nimitzpaquilismacas, pampa, ta tinoDios, huan tinotemaquixtijca.