Miti Mânec 43:1-5

¹O Anutu, miti tâmiric jaŋere ŋezicnuhuc dâŋnane dopeckec, ŋic eeatucne â hehesine jaŋeraonec bataracnuc!

²Dapeŋ‐nane Anutu go hâcne; no ira soŋkeekopac; irec wemocte behecnukomec? No râsizi bâuruŋnume wemocte maku erâ jukopac?

³Tatamacge â ʒâziriŋ dâŋge râetec wareoc, izi jowacnuzejec. Jowacnu fâkume tiri tikigao â ŋeŋe jujugao fisizepac.

⁴Eme Anutu gore alata bâqiŋkepemu, joroc Anutu‐nane go maicgupemu, erâ musi bahuc mumuteŋ gae hegarepemu, o Anutu, nore Anutu.

⁵Maŋnane go wemocte boc gâpârekic? Â wemocte boc hâhâŋkekic? Anuture woŋec juc! E ʒâŋe mai‐nanere babafic â Anutu‐nane jukacte daŋge âzâcnepemu.